Mizo Elite News hi ṭha i tihzawng a nih chuan min lo Follow dawn nia

Kutdawh pakhat chuan a nghawng ah QR Code awrhin Mobile Wallet hmangin tanpuina a ngen

Hmasawnna hi a zuan in a zuang an lo tih kha maw. Kan tunlai khawvel changkang tawh tak ah hian kutdawh te pawh in kawngsir ah kut an dawh satliah mai tawh lo. India ram kutdawh pakhat atang hian a chiang viau mai.

Bihar state a kutdawh pakhat kum 40 a upa chuan khawlaia bawm dawh ai ah QR Code awrhchhuak chungin PhonePe in pawisa a dawng thei a, digital payments in tanpuina sum hi mi hrang hrang hnen ah a khawn heuh heuh tih hriat ani.

A landan mai atang a kutdawh changkang tak Raju Patel hian Bettiah Railway Station ah tanpuina hi a dil a, QR code placard chu scan mai theihin a nghawng ah awrh in digital tablet nen a inchhawp thlap ani.

Raju Patel hian a insawidan chuan former state chief minister Lalu Prasad Yadav zuitu te zinga mi ani thin a, a programs neihah te pawh a tel. India Prime Minister Narendra Modi’s Digital India Campaign chuan phurna pe in tihian digital payments in kut a dawh ve ta hmiah ani awm e.

News Agency ANI hnena a sawidan chuan naupang te a nih atang in kut a dawh tawh.Station ah hian a riak mai thin a, hmun dang chenna tur a neilo. Mite tanpuina a dilna ah thenkhat in pawisa faiin an ak remchang lo thin a, a sum hmuh tur angin a hmu thin lo. Ngaihtuahna thar sengin miten tanpuina awlsam zawka an pek theih nan bank account a hawng a, digital age ah kan chuangkai tawh tih rilru pu chungin a kutdawh dan a thlak danglam ve ta mai ani tih a hrilh.

Internet lamah a kutdawh dan dangdai leh changkang ru ang reng tak hi lawm a hlawh zui ta phian mai a, khawvel ram dang te aia India ram in hma kan sawn zia fiamthu in an sawi zui nasa hle. Mr Patel hian Bettiah main branch, State Bank of India ah kut a dawhna a hmantur hian bank account hi a hawng ani.