Mizo Elite News hi ṭha i tihzawng a nih chuan min lo Follow dawn nia

Kutdawh Ni Chung Si In Amah Khawngaiha Pawisa Pe Tu Te Ai Pawhin A Lo Hausa Zawk

Pawisa duh luat vang hian engmah pawisak nei lo leh mahni nihna lo ang pui a lang duh tawk pawh tam tak an awm a ni.

Mahni ei leh in tur pawh thawkchhuak zo lo khawp a lainatawm tak tak khawlai a kutdawh te hi chu an khawngaihthlak a, khawi ah emaw chhuah nikhua ah hmuh fuh chang an awm pawn engmah pe lova han kal liam san ringawt hi chu a inthiamawm loh thin khawp mai.

Mahse kutdawh thenkhat anga lang nazawng hi chu an harsat vang pawh ni chiah lo in lem an lo chang reng zawk thin a lo ni a, kutdawh chu eizawn nan ngei an lo hmang a ni. An mahni khawngaiha an neih ang tawk pe tu te ai pawh a kutdawh hausa deuh deuh hi an lo awm ve nual a nia.

Bharat Jain tia a hming tarlan pa pakhat hi Mumbai khawtthler vel ah thuamhnaw bal leh tawp tak inbelchung in kut a dawh lai hmuh thin a ni a, mahsela hepa chanchin hi an chhuichian hnu a an hriatchhuak tak tak chuan mi hausa tak a lo ni reng tawh.

Thla khat chhunga a lakluh (income) hi tarlan dan chuan $1000 vel a ni a, a hlawh hi a average a chhutin $550 a ni daih. Hei mai chauh hi a nilo, luxury apartments 2 a la nei tel cheu leh nghal a, a estate hi 1.6 million USD a ni hem mai.

Heng a pawisa te hi kum eng emaw chen a kutdawh atanga a hlawhchhuah a ni a, Jain hian mite sum pek tlingkhawm hi sumdawnna lian zawka bul tan nan a hmang a ni. Pawisa a hmuh theihna a nih dawn chuan thuamhnaw bal leh tawp tak nen a nun hman pawh a pawi tilo a, a beidawnsan duh hek lo.

Mumbai khawpui ah hian kutdawh hringnun ngei chu part-time a hnathawhna atan lek a lo hmang thin. Mumbai hi India rama sum lenvah tamna ber pawl a ni a, hei hi misual ten remchang an chuh ve. Bharat Jain bakah hian a hma pawn Mumbai a kutdawh pakhat tho Krishna Kumar Gite tia koh pawh manchhuah a lo ni tawh a, Krishna Kumar Gite hian thlakhat ah $900 te lo hui lut in a kutdawh na ah hian a thawhrim tak zet thu zak map lovin a la sawi bawk.