Mizo Elite News hi ṭha i tihzawng a nih chuan min lo Follow dawn nia

Kum Upa Tawh Tak Nupa Tuak Te Chu Hripui Vanga Ni 100 Chhung Inhmu Lo A An Awmhran Hnuah An Inhmu Leh Thei Ta

Hmangaihna nge nge hmuh a va nuam em. Nupa tuak kum upa tawh leh thlan khur hnaih ve tak tawh te chu hripui leng vangin ni tam tak inhmu thei lovin hun an hman hnu ah an in tawng ve leh ta.

Octogenarians George (kum 89) leh Joyce Bell (kum 87) te hi nupa in hmangaih tak leh in duat thiam tak an ni a, mahsela an natna avangin hun eng emaw chen awm hran an ngai. Covid19 dan (rules) zawm chungin ni 100 teh meuh chu an awm hrang a ni.

Middlesbrough ah an awm a, kum 66 zet a rei an inneihna thutiam vawng him in nupa an lo ni tawh a, ni rei tak an inthen hnu ah lawm avanga lungchhe tak in mittui nen kut an inchelh ve leh ta a ni.

Joyce hian mawngbawr a ti na a, a dam fel hnu ah a pasal kiangah hian an hruai. Joyce hian lungchhe takin khuma mu a pasal kut chu a vuan nghal a,an nupa thlalak hi Tollesby Hall Care Home lam ten an phochhuak a, lo hmutu te rilru leh thinlung a khawih hle.

“A kiangah ka awm reng ang tiin ka hrilh a, a ni pawh in ka kut nghet taka chelhin a damchhung leh a thawk tawp thleng a min kalsan ngai loh tur thu min hrilh” tiin Joyce chuan a sawi. An inneih laiin Joyce hi kum 21 lek a nia, George hi kum 23 a ni. Newport Road a St Cuthbert’s Church ah kut an insuih a, an inneihna atang hun leh kum tam a vei hnu ah pawh an in hmangaihna hian chuai lam a pan chuang lo.