Mizo Elite News hi ṭha i tihzawng a nih chuan min lo Follow dawn nia

Kum thar 2022 ah Hailey Bieber leh Kendall Jenner te an inzuichhuak ve leh ta

Kum hlui 2021 tluang tak leh ṭha taka an kawppui te ve ve nen an thlahliam hnu in Hailey Bieber, 25 leh Kendall Jenner,26 te chu kum 2022 ah an ṭhian duna an inzuichhuak hmuh an ni hmasa leh ber e.

Hailey leh Kendall te hi ṭhian inkawmngeih tak an ni a, BFF tiin an inko hial bawk. Thawhṭanni (January 3) khan Los Angeles ah Pilates class nei tur leh hair salon lam an pan chu hmuh an ni a, mahni tawk a lar ve ve ta chu Paparazzi lam te pawh a ko khawm tha leh pek viau.

Kendall hi a Ferrari dum mawi zetin a inkhalhchhuak a, sik leh sa awmdan mil ang zela an thuamhnaw inbelchhuah thiam lutuk mawlh hian thlir a hlawh zui hle bawk.

Christmas lai vel pawh khan Hailey leh Kendall te hi hun an hmang dun tam hle tih an Social Media atang in a hriat theih a, Hailey pawhin Kendall nen an pahnih thlalak a rawn post a, an thian tha tak Justine Skye pawn a phochhuak bawk.

Hetih lai mek hian Kendall in a bialpa Devin Booker nena an thlalak a post ah mupui ang mai a mit var fans te chuan thil danglam an hmu ru leh khiau a. Thlalak ah hian Booker hian Red Wine dawm in hetah hian a kut tanga zungbun a bun tle vat vat chu hmuh a ni a, zawhna a tam phah leh nghal hle. Kendall leh Booker te hi April 2020 atang an inkawp chho tan ani.