Mizo Elite News hi ṭha i tihzawng a nih chuan min lo Follow dawn nia

Kum Tam Tak An Fapa Bo Tawh Chu Hmuchhuak Lehin Mahse An Fapa Chuan An Hnena Kir A Duh Tawh Lo

Kum 14 liam ta khan an fapa chu rukbo sak an ni a, kum tam tak an zawn hnu ah inhmuchhuak leh in mahsela an fapa chuan a nu leh pa dik tak te kiangah hian kir leh chu a duh tawh lo ani.

Daily Star ten an tarlan dan in Hubei, China ah rawlthar kum 18 a upa Zhuo hi 9 October 2007 daih tawh khan Shenzhen ah rukbo a ni a, a nu leh pa te hian hun rei tak chu lo zawng tawhin mahsela an zawng hmu lawk thei chuang lo.

A pa Sun Haiyang hian mi dangte pun a investigation neia theihtawp a zawn hna a thawh hnu ah a fapa Zhuo chu a zawngchhuak thei ta hram a. Kum 14 zet bo tawh a fapa nen an han in hmuh chuan lawm avangin Haiyang hi a tapchhuak a ni.

Zhuo pawh chu insum thei lovin a tap ve bawk a. A nu leh pa dik tak te kianga a hawn chu a lo hun ta. Amaherawh chu Zhuo chuan a nun chhanhim a fa atan a enkawltu tu te chu a kalsan thei tlat lo. A thisen zawm a nu leh pa te ai chuan chhia leh tha a hriat tak tak hma a nu leh pa anga alo en amah la tu te kianga awm chu a thlang ta zawk ani.

Zhuo chuan in tunah hian chenna in thar a nei tawh a, a nu leh pa dik tak te bulah hian kir lo mahse a nu leh pa an nihna a bo loh tur thu leh nu leh pa atan a pawm reng tur thu a sawi.

He thutlukna hi Zhuo tan pawh thutlukna siam harsa tak a ni a, tet te atanga nu leh pa anga alo en te an ni a, vawi leh khata han kalsan thut zawng a harsa viau ngei ang. Rukbo a nih lai khan kum 4 mi chauh a la ni nghe nghe ani.