Mizo Elite News hi ṭha i tihzawng a nih chuan min lo Follow dawn nia

Kum Pawh La Tlinglo An Fa Chu Covid19 Hri A Kai Tih An Hriat Hnuah An Hlamchhiah

Mihring rilru leh thinlung hi a in ang lo thei khawp mai. Eng rilru a he thil hi ti nge maw an nih ang le, an mahni an fihlim chiah bik em tih pawh engmah an hre bik der si lo.

Jammu ah nupa tuak khat te chuan an fa kum pawh la tling lo nausen thla 2 a upa mai chu Covid19 hri a kai a ni tih an hriat hnu ah ngaihtuah zui tawh lovin an kalsan tih hriat a ni.

He naute hi Maharaja Gulab Singh Hospital ah admit a ni a, a taksa ah natna neuh neuh neiin congenital heart disease chu a vei, Covid test an neih sak chuan hri hi a kai ngei tih hmuhchhuak a ni leh zel a, mahsela a natna hi tuarchhuak lovin Pathianni zan 8.30 pm khan a boral.

A nu leh pa te hnen ah chuan an fa in hri a vei a, an mahni pawh inven nan Test neih an ngaihthu an hrilh a ni. Mahsela nupa te hian an fa ngei ruang pawh hlawm ta lo chuan an kalsan ta ringawt. Hospital security staff te pawn an ko lawm lawm pawh in an bibo hman daih.

Damdawi in lam te hian naute ruang hi a nu leh pa ten an tlansan tak si ah chuan Hospital a ruang dahna ah an dah lailawk chhung ringawt a, thil thleng hi Police te hrilh tawhin a nu leh pate hi tunah an zawng mek.

A nu leh pa te hi zawn hmuh an nih loh chuan Covid-19 protocols ang in vui a ni ang. India Today tarlan danin Union Territory of Jammu and Kashmir ah Covid case thar 3,733 an nei a, Thawhtanni khan mi 51 an thi. Thi zinga 35 chu Jammu division a register a ni.