Mizo Elite News hi ṭha i tihzawng a nih chuan min lo Follow dawn nia

Kum a liam tawh hnu ah Hailey Bieber i’n Selena Gomez thlalak Like a pe ve leh

Ho te ang a lang pawh hian a phen ah awm ze thui tak a nei a, milar an nih angin an chetdan engkim hi mupui ang maia mit nei Media leh fans ten an lo chik ru reng.

Tunhnai mai khan Justin Bieber nupui Hailey Bieber in Instagram a a pasal  Justin bialnu hlui Selena Gomez thlalak Like a pek leh tak vangin Jelena duhtu te a ti huangtau leh sawt.

Hailey hian Selena hi ala ngaihven ru ve reng thin nge Double tap a hmeh chhan hi hriat nilo na a, a tihsual palh te pawh a ni ve thei tho bawk.

Selena thlalak a Like na hi Vogue chanchinbu kawma a chuanna Vogue in an post ah khan a nia. Instagram celeb news account pakhat PopFaction ten Hailey Double tap hi an lo hmu leh chiah chiah hman a ni.

Tun hi Hailey in kum a liam hnu a Selena thlalak a like leh hmasak berna a ni. October 2019 khan Double tap a pe tawh bawk a, Selena fans ten an sawisel nasa. A hnuah Hailey hian troll a dawn chhan letna ni ngeia ngaih theih turin Summer Walker’s “I’ll Kill You” a ngaithla lai a Story zui hmak.

Selena Gomez fans te insum zo lovin an puak keh a ni ber a, Selena erawh in Hailey thlavang hauhin a ma hming hmera engmah sawi a neih loh thu leh a fans te chu midang tibuai zawnga che lo turin a khap dai a ni.