Mizo Elite News hi ṭha i tihzawng a nih chuan min lo Follow dawn nia

Kum 76 A Upa Pitar Leh A Pasal Kum 22 Mi Te Chu Tiktok Lamah An Che Chhuak

Hmangaihna hian ramri a kham lo a ni tih a chiang mai awm e. Hemi te nupa kum inthlauhna hi kum 5 vel mai a ni lova kum 53 zet a tla a, hei vang hian mite sawi leh bengkhawn zui an hlawh ta em em a ni.

Almeda Errell leh Gary Hardwick te nupa hi Tennessee a mi an ni a, an nupa hian in hmangaih taka an khawsa lai vel Romantic Video chu siam in Tiktok ah an phochhuak a, Video ah hian in fawp vel in hmangaihna an chen dun a, midang te hmuh theih turin an lo phochhuak.

An ni pahnih in tawn dan pawh hi a mak ang reng. Gary hi Almeda fapa boral vuina hun hmangin a kal a, heta ṭang hian an intawng. Hetih lai hian Almeda hi kum 71 niin Gary hi rawlthar chhuak hlim kum 17 mi lek a la ni nghe nghe.

A fapa vuina neih hnu hian Chuck E Cheese birthday party ah an intawng leh a chuta tang chuan an inkawp zui. An in date aṭanga chawlhkar hnihna ah Gary hian nupui atan a sawm a kum 2015 October 26 khan an innei.

Almeda hian kum 43 a nih in pasal a lo nei tawh a Romance ang tak tak a tawn ngai loh thu a sawi hiala Gary nen an intawn hnu hian kum upat tawh lam ah hlimna a chharchhuah thar thu a sawi. Gary hi Almeda tupa zinga pakhat ai pawn a la naupang zawk bawk.