Mizo Elite News hi ṭha i tihzawng a nih chuan min lo Follow dawn nia

Kum 70 Chuang Lai Nupa Lo Ni Tawh Te Chu Hospital Khumah Kut Inkai Riai Chungin Hun Tawp Hmang

Hmangaih leh hmangaih te pawh an inṭhen alo ṭul tawh a. Nupa kum 70 chuang lai lo innei tawh te chu hripui Coronavirus vangin an boral.

Ron, 94, leh Pat Wood, 91 te hi kum 71 lai mai an innei tawh a,mahsela vanduaithlak takin Coronavirus chuan a man ve ta hlauh.

Worthing Hospital, West Sussex ah an awm a, a tirah chuan an nupa hian Ward hran ve ve ah awm tir an ni. An dinhmun chuan zual lam a pan zel tak vangin Staff te chuan an pahnih chuan an awm tlan tir a. Hospital ah chuan kut in kai riai chungin hun tawp an hmang.

Ron zawk hian covid19 hi a vei hmasa zawk a, a hnu lawkah a nupui Pat hian a vei zui ve leh ta a ni.

Pat hi May 18 khan a boral a, a boral aṭanga ni 5 hnu ah Ron hian a nupui hi a zui ve leh nghal bawk.

An fanu neihchhun Nikki Evans chuan a nu leh pa te hi inṭhian ṭha tak mai an nih tel thu a sawi a,Worthing Hospital, Maria Reina a nurse staff chuan an nupa a kut inkaia hun tawp an hman dan chu alo sawi ve bawk. An nupa hian kum 1949 April 23 khan Broadwater Parish Church ah “tiam tlat e” tiin an innei.

DM