Mizo Elite News hi ṭha i tihzawng a nih chuan min lo Follow dawn nia

Kum 7 Hnuah A Ui Bo Ta Nen Mittui Tla Chungin An Inhmu Leh

Ran te hi mihring te nun tihlim tu ber an ni tawh a, a tlangpuiin ui phei hi chu tam tak te chuan kan chhungkaw mi leh sa leh thian ang maiin kan ngai theuh tawh a tih theih ang.

San Antonio, Texas a ui pakhat ‘Honey’ tia koh chu amah enkawl tu nen kum eng emaw chen an inthen hran hnu ah technology changkang tak hmangin an inhmuchhuak leh a ni.

He ui Honey hi kar kal ta khan City of San Antonio Animal Care Services lam ten hmu in an lo tuamhlawm a, stray dog ah an lo ngai a microchip atang in he ui hian tunhma in enkawltu lo nei tawh in alo in register tawh a ni tih an hria.

Honey enkawltu dik tak hi an biak pawh theih hnua an han inhmuh chuan a enkawl tu nu chu lawm avangin a biangah mittui a tla hial a, rei tak alo zawn leh a hmuh tawh loh a ui chu hmangaih takin alo kuah ngawih ngawih.

“A ui a hmuh rualin a mittui a tla a,thut chilh nghal chawt in a kut chuan nghet takin a kuah vawng vawng. A ui hnenah chuan amah a la hriat leh hriat loh te a zawt chul bawk a ni” tiin Animal Control lam chuan an sawi.

Staff Member ten a ui a hmangaih leh a ngaihzia an hmuh chuan engchen chiah nge a bo tawh tih an zawt a Honey enkawltu hmeichhia hian kum 7 dawn chu an inthen tawh thu alo hrilh.

Microchip vang liau liau in tunah chuan Honey leh a enkawltu nu hi hlim takin an pahnih in an awmdun leh thei ta a ni.

Fox