Mizo Elite News hi ṭha i tihzawng a nih chuan min lo Follow dawn nia

Kum 65 An Inneih Hnuah Kut Inkai Dun Riai Chungin An Hun Tawp An Hmang

Mi tam tak chu kum 1 em pawh innei tling thei lo an awm laiin an ni erawh hi chu an boral dawn thleng pawn an in hmangaih zia an la tilang a ni.

USA a nupa tuak Martha Jean Harris leh Charley Ray te hi kum 65 chhung zet an inneihna thu tiam an vawnghim tawh. Natna vangin damdawiin ah enkawl tura dah luh an ni a, an dinhmun chuan zual lam pan zel in an nunna chhan theih lovin thihna kut vawt chuan a man ta a ni.

An fapa naupang ber Richard Harris chuan a nu leh pa te hi damdawiin pawn lam ah chuan nghak in amah in a buaipui a, a nu leh pa ten an hnuk chah dawn thleng a an in hmangaihzia an tilang chu a chhuang hle tih sawiin “Hman atang leh an hun tawp dawn thleng in an in hmangaihna kha sawinghin in a awm lo” a ti ve hial.

Kum 12 an nih atang an intawng tan a, kum 19 an nih ah damchhunga nupa ni turin an innei. An thutiam chu nupa an nih chhung zawngin an vawnghim tawn a ni.

Charley Ray hi Church teacher in a awm a,a nupui Martha Jean Harris hi hmeichhia te puibawmtu ah a tang thin.

Kum 80 an chuan chhoh hnu chuan an hriselna chungchang ah insawiselna an nei tan ta a, ambulance in damdawiin ah an hruai. Emergency room pakhat ah enkawl an ni a, chawlhkar 2 lai an awm.

Richard chuan an hun tawp dawn thleng khan a nu leh pa te hian an inhmangaih thu an inhrilh fo tih a sawi. Martha hi a boral hmasa a, Charley hian reilo ah a zui ve nghal a ni.