Mizo Elite News hi ṭha i tihzawng a nih chuan min lo Follow dawn nia

Kum 60 pelh tawhah a kut leh ke phuar chunga tui hleuh in World Record a siam

Kum te hi zawng number mai mai an lo tih thin hi Udupi pa Gangadhar G. Kadekar atang hian in a chiang khawp mai. Kum 66 a upa a ni tawh a, tui hleuh hmangin Golden Book of World Records ah a hming a chuan kai tir.

Gangadhar G. Kadekar hian a kut leh ke che thei lo a phuar khawm a ni chungin Arabian Sea ah 3.5 Km a thui a hleuh thei a, 3.5 Km a thui hleuh nan hian darkar 5 leh minute 35 hun a hmang.

7.50 a.m. ah Padukare atangin a hleuh tan a, 1.25 p.m ah a tum ram hi a thleng thei. Kut leh ke phuar ni chunga heti khawp a thui tui a hleuh theih vang hian World Record hi a siam a, a sawidanin a kut ke te phuar a nih khan dolphin tui hleuh dan angin a hleuh thu a sawi ani.

Kum 2021 January 24 khan Padukare ah vek India rama Record a siam tawh a, ‘Padmasana’ pose ang a a ke thlung chungin 73.7 minutes ah 1.4 km a thui alo hleuh tawh bawk.

Amah hi a hma chuan Transport Department ah hna a thawk thin a, kum 50 a nih atang tui hleuh ah hian bul tanin kum naupang deuh deuh tui tlahlum an awm thin chu a vei hle bawk. Jai Durga Swimming Club dinin kum naupang zawk te chu tui hleuh a zirtir. A training na hnuai ah hian zirlai 1,000 aia tam an awm ani.

Mr Kadekar hi state leh national level aquatic championships senior level ah 31 gold, 16 silver leh bronze 9 a hui tawh. Nikum khan Udupi district-level Karnataka Rajyothsava Award hlan a ni nghe nghe bawk.