Mizo Elite News hi ṭha i tihzawng a nih chuan min lo Follow dawn nia

Kum 41 Zet Ramhnuai Ah Khawsa In Hmeichhia Leh Mipat Hmeichhiatna Lam Reng Hre Lovin A Awm

Vietnam ram a Real-life Tarzan tia hriat lar Ho Van Lang hi hun rei tak chhung ramhnuai ah midangte tlawhpawh lo a awm in hun a hmang a, hnam mawl ang maiin ramhnuai pilril ah an lo khawsa tih hriat a ni.

Kum 41 tal tawp chu ramhnuai ah hian an lo cheng tawh. Kum 1972 a Vietnam War ah khan a nu leh a unau ten an nunna an chan phah a, khata tang khan a pa leh a unaupa te nen ramhnuai ah tlanlut in an khawsa zui ta a ni.

Ramsa te nena an hun pum hmang leh cheng ho thin an nih vangin Ho Van Lang hian tunlai thiamna leh hmasawnna chi reng reng a hre ve lo. Hmeichhia an awm tih pawh a hriat lutuk loh bakah inthlahchhawnna mipat hmeichhiatna lam pawh a hmelhriat ve lo hrim hrim.

An awmna atanga lakchhuah an nih hian Lang hi a hrilh hai hle a, midang khawsa zia chu mak tiin a bikin hmeichhia phei chu a hrethiam lo hle. An chenna hmun ramhnuai hi Vietnam’s Tay Tra district of Quang Ngai province ah a nia, an chaw ei duh zawng pawh bats & rats tih leh olives te niin chung te chu inhnawhpuar nan an lo hmang.

An chanchin hi photographer Alvaro Cerezo chuan tunhnai khan rawn sawichhuak in, a ni hian 2015 khan Lang chhungkua te zawngchhuak tu a ni. The Mirror te tarlan dan in Lang pa hian Vietnam War kha a tawp mai a ring lo an ti.

Lang hian thil reng reng a hrethiam lo hrim hrim a, a taksa chu puitling tawh mahse naupang chhia ang mai in chhia leh tha engmah a thliar hrang thiam lo a ni.