Mizo Elite News hi ṭha i tihzawng a nih chuan min lo Follow dawn nia

Kum 40 Chuang Dawn An Inṭhen Hnu Ah A Nu Leh Pa Dik Tak Te Nen An Inhmu Leh

Hlim leh lawmna avangin biangah mittui a tla zawih zawih a. Hun rei tak an inṭhen hnuah an inkuah leh ta chu hnuk te pawh a ulh hial a ni.

China ram a nupa te chuan an fapa bo rei tak an zawn tawh chu kum 38 hnu ah an hmuchhuak leh. An fapa Jin Shui hi kum 2 leka upa a la nih lai 1982 khan rukbo a ni.

An chhungkua hi northwestern Chinese province Shaanxi a thingtlang khua ah an cheng a, an chunga vanduaina a thlen hma kha chuan nun pangngai leh chhungkaw hlim takin an khawsa ṭhin.

Pa ber Su Bingde chu an chenna in chhuahsan in an chhungte tlawh turin a kal a,zan lamah a kir leh mai a rin vangin an in pawh chu a lock lem lo. In ah chuan a nupui leh a fate pahnih an awm.

Mahsela Su Bingde hi a tum angin a kir leh ta lo. A nupui Huang Renxiu leh a fate chu in ah an nufa za in an mu. Zing ah chuan a fanu in toilet a hman duh vangin Huang Renxiu a tho a, mahsela a fapa kum 2 mi Jin Shui chu a mutna ah a lo awm tawh lo.

A pasal leh an khua a mite chu a pe pawp nghal thuai hlawm. Chuta ṭang chuan Jin Shui hi a chanchin hriatzui tur reng a awm tawh lo a, a khuangcher bo ta hmiah.

A bo aṭang khan an nupa hian an fapa hi an lo zawng chho ngar ngar. Huang Renxiu phei chu a fapa vang hian a rilru lam thlengin a khawih phah. Mr Su hi khawpui hrang hrang ah te kal in an fapa bo zawn hna hi a thawk ṭhin. Mahsela rei tak chanchin lawmawm reng reng an hre thei lo.

Police ten investigation an neih pawh in Jin Shu chu an zawng hmu thei lo a, an beidawng hial hman. Mahsela a tawp a tawp ah chuan thu lawmawm tak an hre ta a, kum 40 dawn an fapa bo chu zawn hmuh a ni.

Police te chuan national database a DNA Sample hmangin an zawng hmuh theih phah. Kum 2 a nih laia an ruk bo Jin Shui hi a nu leh pa te nen an inhmuh leh meuh chuan kum 40 laia upa a lo ni tawh.

A nu leh pa te phuah Jin Shui tih hming chu pu lovin Li Guolin tih hming a pu a, nupui leh fapa pahnih neiin chhungkua a lo din der. Hebei province ah an cheng a, a pianna aṭang 1,104 kilometres (686 miles) a hla awm a ni.

September 17 khan Jin Shui (Li Guolin) hian a nu leh pa dik tak te nen hian lungchhe takin an inhmu. A pa Su Bingde chuan “he ni lo herchhuah hun hi kum 38 zet ka lo nghak tawh a, ka tupa te ka hmu ang tih erawh ka ring ngai lo” tiin a sawi.

Chinese society ah mihring inrukbo na hi a hluar hle ṭhin a,naute aṭang tleirawl leh rawlthar thleng kum tin inrukbo na hi a tam hle. A ṭhen te chu an chhungte nen inhmu leh in tam tak erawh an bo hlen ṭhin bawk.

Mailonline