Mizo Elite News hi ṭha i tihzawng a nih chuan min lo Follow dawn nia

Kum 24 Lai An Awmdun Hnu Ah Midang Tanpuina Vang Liau Liau In Homeless Couple Te Chu An Innei

Philippines ram a Pampanga province a cheng Rosalyn Ferrer, 50, leh Rommel Basco, 55 te hi kum 24 zet chengin an lo awm dun tawh a, an intawnna rei tawh hle mahse vawikhat mah an la innei lo thung.

Plastic chhia hnawl tawh hnu ang te chu chhar khawm in an hralh leh a, chu chuan an fate leh an mahni ei tur thawkchhuak in theihtawp chhuah in hna an lo thawk thin a ni.

Fa 6 lai enkawl tur an nei a, kawla ni chhuak chhiar a nitin ei khawp ngawr ngawr thawhchhuah reng ngai an ni bawk nen hei vang hian a senso man tur nei zo lovin innei silo in an lo khawsa ve ta reng.

Vanneihthlak takin mi thil phal tak mai pakhat chuan an chanchin hi alo hriatin a khawngaih hle a. Salon nei tu Richard Strandz chuan Rommel Basco te lo duhthusam thin chu hriatthiampui in pangngai taka an inneih theih nan kawng hawnsak in ruahmanna alo siam fel vek.

Richard chuan Rommel Basco te hi Plastic chhara hun an hmang a hmu fo thin tih a sawi. Inneih thuam famkim nen thlalakna te an nei a, marriage licence pawh a tawpa tawpah an nei thei ta.

“Kum 20 chuang an lo awm dun tawh a, mahsela inneihna te tham deuh pawh an buatsaih thei lo. An in hmangaihzia ka hmuh hian min hneh em em a, ka thiante ka be pawp ta nghal a ni” tiin Richard chuan a sawi a ni.

February 13 a photo shoot neih ah Rosalyn hian kawrfual var nalh tak a inbel a,Rommel pawh in Barong Tagalog suit mawi tak a ha chhuak ve bawk. An hmuhnawm nupa hle.