Mizo Elite News hi ṭha i tihzawng a nih chuan min lo Follow dawn nia

Kum 24 Hnuah A Unaupa Chu Zawng Hmuin Chemin A Vit

Rei tak hnu a unau inhmu leh te chu mittui nen hmangaih takin an in kuah vawng vawng thin a ni ngai a, hei erawh an unau in hmuh leh ni chu ni rapthlak ber a ni.

Italy a mi Ivo Rabanser, 42 hian a unaupa kum 24 zet a hloh tawh chu zawng hmu in a rik rap a, a chenna ah luhchilh in chemte nen a bei zui tih hriat a ni.

The Times in a ziahdan in Ivo Rabanser hian a unaupa Martin Rabanser hi an chenna in Selva di val Gardena ah a nupui nen khum a an mu lai chu chemte nen hian a lawnchilh a, a awm (chest) ah chuan a vit zui ta a ni.

Martin hi a unaupa in a vih vang hian damdawiin ah a awm mek a, a hliam hi a na viau bawk. Thil thlen lai hian a kiangah a nupui a awm a, a nupui hian a pasal nun chhan a tum chu Ivo hian pepper spray in alo phuh a, insaseng in Police lam te a be pawp nghal thuai.

Martin lawyer, Nicola Nettis chuan Ivo hian Martin a beih chhan hi ro chungchang ah a ni a, a pa lak atang an chenna in thleng a ro chun vang in Ivo hi a thinrim a, tihnat a duh ta niin an ring.

Ivo hi kum 1997 khan a bo a, a pa boral hnu ah an chenna hi chhuahsan in hetih lai hian kum 18 chiah a la ni nghe nghe, a chhungte hian Tv ah te puantir in an zawng nasa a, mahse a chanchin reng reng hriat zui tur awm lovin a khuangcher bo hmak a ni.