Mizo Elite News hi ṭha i tihzawng a nih chuan min lo Follow dawn nia

Kum 22 An Inneih Hnuah A Nupui Chuan Mipa Dang A Rukin Pasal Atan Alo Nei Tih A Hrechhuak

Pakhat mai a duh tawk loh vangin a tawp ah a chet buaiphah ta hrep. Fa 3 nei tawh hmeichhia chuan dan ang taka pasal atan alo neih tawh bakah mipa dang pasal atan alo nei tel tih hriatchhuah a ni.

Mirror te tarlan danin he hmeichhia hi Brinda Kantamaneni a ni a, pasal atan dan anga a neih hi Ravi niin ​​May 1999 khan North Carolina (USA) ah an innei. Tunah fa 2 an nei mek bawk.

An nupa hian London ah an cheng a, Ravi hi international consulting company ah director hnathawk in a awm. Ravi leh Brinda te hi an inkar a buaina a thlen hma kha chuan nupa hlim tak an ni. Chutia hlim taka hringnun an chhiar chhoh mek lai chuan 2017 khan an inkarah chuan harsatna a thleng chho tan.

Ravi hian a nupui chu an chenna in atang a chhuak fo a, a kalchhuah zin em avangin a ngaih a tha lo. Ravi an a nupui bula tha taka sawipui a tum pawn Brinda chu a thinrim tual tual zel si a, inthen hial ah a lo vau zui zawk thin.

Brinda hian a thuruk chu a theihtawp in a vawng ru tlat. Mahse December 2017 khan an inkar a thil thleng chu hailan a ni. Ravi chuan a rin em em a nupui Brinda in mipa dang Matthew Hall chu a kawpsan tih a hrechhuak a, kawppui satliah mai nilovin Matthew Hall hi a rukin pasal ah a nei a ni.

An chenna in atang Matthew Hall awmna hi 3-minute lek a hla ah a awm a, Matthew nen hian fapa an lo nei tawh bawk. Thil thleng zawng zawng hailan a nih tak hnu ah Ravi leh Brinda te hi 2019 khan an inneihna an titawp.

Case hi trial neih tura tih a ni a, Brinda pawh in a rukin pasal pahnih a nei tih hi a inpuang. Prosecutor Ravinder Chodha chuan Brinda hian Matthew a neih theih nan hian hming lem a hmang tih a sawi. Brinda hi thiamloh chantir a nih chuan kum 7 Jail a tang dawn a ni.