Mizo Elite News hi ṭha i tihzawng a nih chuan min lo Follow dawn nia

Kum 2022 Ah Asian Hmun Hrang Hrang Ten Tuilian An Tuar Anga India Ramah Khaukhuap Chi Ten Thlai Tichhia In Tam An Tuar Ang

Kum 2021 kan hmang liam tep tawh a, kum thar 2022 chuangkai turin kan inbuatsaih mek. Bulgarian pitar pakhat hma hun lo awm tura thil hrilhlawk dik thei deuh Baba Vanga tia hriat in kum 2022 a thil thleng tur alo hrilhlawk te chuan ngaihven a hlawh tan.

Baba Vanga hi mitdel a ni a, 1996 khan a boral tawh. Khawvel in a tawn tur thil tam tak alo sawilawk nual tawh a,a thusawi zawng zawng hi a vaiin thleng dik kher lo mahse a tam zawk a thlen dik ve tlat vang hian khawvel in a bengkhawn lo thei lo.

2022 a thil thleng tur a sawi zingah khawvel in chhiatna hrang hrang a tawng baw leh dawn. 2004 khan Tsunami leh lirnghing vanga mitam tak in nunna an chan tur thu a hrilhlawk hnu ah 2022 ah erawh Australia leh Asia khawmualpui a hmun thenkhat te chuan tuilian an tuar dawn niin a sawi.

Siberia ah researchers team ten lethal virus an hmuhchhuah tur leh virus chu thunun zawh rual loha a darh tur thu te, mihring pungchho zel ah luitui te tibawlhhlawh in tui in tur tlakchhamna a thleng dawn a, state tam takin tui in tur chu an mahni a an inzawn a ngai tawh ang.

Khawvel danga cheng Alien ship ten min rawn tlawh dawn thu te pawh a hrilhlawkna ah hian a chuang a, alien lam in lei lama an lo thawn tur asteroid hi ‘Oumuamua’ tiin a hming koh a ni bawk.

Baba Vanga hrilh lawkna ah hian India ram ah khaukhup nasa tak a puang tur in a sawi a, temperatur pawh 50° Celsius a kai dawn. Rannung tam tak te hian buh leh thlai te suamsam in tam (famine) nasa tak India chuan a tawngbaw dawn ati ani.

Heng a hrilh lawkna zawng zawng hi a thleng ngei ngei dawn tihna erawh a nilo. Mahse Baba Vanga zuitu te chuan amah an rin luat vangin heng a thusawi te hi a thlendik ngei an ring nghet hle thung. Kum 2022 a thlen phawt loh chuan ka ring lo tih ngawt chi a nilo a, chhiatna thleng tur te hi a thlen dik loh hram erawh beisei ang.