Mizo Elite News hi ṭha i tihzawng a nih chuan min lo Follow dawn nia

Kum 2021 a Sites tlawh hlawh zual te, Google an chungnung ber tawh lo

Internet khawvel ah mi nawlpui te kan cheng tawh a, kan nitin nun leh khawsakna ah a pawimawh em avangin Internet hi sawi lan loh theih a nilo. Kan hun tam tak hmanna leh eizawnna a ni chho mek zel. Sites lun leh tlawh hlawh tak tak a chhuak thar mek reng bawk.

Kum 2021 chhunga Internet Website tlawh hlawh ber ber te chu storage software company, Cloudflare te chuan tarchhuahna an nei leh ta a, kumin list erawh mitam tak te beisei loh deuh a thleng a, Search Engine lun tak tech giant, Google ten a sangber dinhmun an hauh lo.

Site tlawh hlawh ber ber ah hian kum in chhung ah Chinese short video sharing platform, TikTok chuan pakhatna dinhmun a luah a, Google a rawn khum. He app hi Beijing based ByteDance te ta a ni a, 2016 a tlangzarh chauh kha a ni. Nikum khan No.7 hauh in kumin ah pakhatna ah a rawn invawrh chho ta dawr. Heta tang ringawt pawh hian hmangtu an pungchak hle tih a lang.

Nikum khan Trump administration hnuai ah Tiktok hi ban a ni a, an sawidan in he app hian American te personal data chu Chinese government lam in an lo lakkhawm sak thei an ti a, mahse khapna hi President thar Joe Biden an a phelh leh. September thla khan TikTok hian thla tin active users hi 1 billion an nei tling tih an puang bawk. Pahnihna ah hian tech giant, Google chu a chhukthla ve ta thung. Pathumna ah Facebook te an awm ani.

Kum in hi Internet Site a Tiktok in Google leh Facebook te a luahlan vawikhatna a ni hial bawk.

Kum 2021 a internet sites tlawh nasat zual 10 te:-

1. TikTok

2. Google

3. Facebook

4. Microsoft

5. Apple

6. Amazon

7. Netflix

8. YouTube

9. Twitter

10. WhatsApp