Mizo Elite News hi ṭha i tihzawng a nih chuan min lo Follow dawn nia

Kum 20 Chuang Puk A Lo Khawsa Tawh Chuan Pandemic A Hriat Hnuah Vaccine A La

Midang te chimbuai phak loh a puk a kum tam tak lo khawsa tawh thin chuan Pandemic vanga khawvel a buai a ni tih a hriat hnu ah hri laka a himna turin Vaccine a la tih hriat a ni.

He pa Panta Petrovic hi southern Serbia a Stara Planina mountains a puk chhung ah kum 20 chuang a lo cheng tawh a, a seilenna Pirot a supermarket chu khat deuh deuh in a tlawh thin. Hetah hian Covid hrileng chungchang chu hria in a him nan Vaccine lak ngei chu a duh.

“Ka la lo a nih chuan ka chenna puk ah hian min rawn la luhkhung ngei ang” tiin a sawi a, social distancing a zawm tha ber ber chung pawh a hri hlauhna a nei tlat hian kum tam tak puk ah cheng mahse a chhia leh tha hriatna zawng zawng a la fim hle tih a hriat.

Tin, Vaccine a lak mai hi duh tawk lovin midang te pawh an him na tura Vaccine la ve theuh hlawm turin a sawm nghal a, Vaccine hi a dose kim a lak vek a duh bawk a ni.

Petrovic hi tlang pang a khawsa a ni a, tlawhpawh zen zen theih a nilo bawk. Hetia midang te laka a in lak hran na chhan chu khawpui ah chuan a nun a zalen lo a, thenawm,nupui leh Police te ho chu a mamawh ve lo. Zalen taka mahni a tlat hrang a thlan zawk. Petrovic hian pawisa chu anchhia tiin a sawi bawk a, puka a khawsak hma hian a pawisa zawng zawng te chu Community ah khua a lei (bridge) dawh nan alo hlan vek bawk.