Mizo Elite News hi ṭha i tihzawng a nih chuan min lo Follow dawn nia

Kum 2 Chhung A Chanchin Hriat Loha Bo Tawh Hmeichhia Chu Tuipuiah Sangha Mantu Ten Nungdam In An Hmu

Columbian hmeichhe pakhat kum 2 lai bo tawh leh a chhungte pawhin a chanchin an hriat zui tawh loh chu Inrinni khan tuipui ah amah chauh a hmuh niin tuiah hian alo langa nungdam in chhanchhuah a ni.

He hmeichhia hi kum 46 mi Angelica Gaitan tia koh a ni. Sangha man tuma lawng nena chhuak Rolando Visbal leh a ṭhian chuan tuipui a alo lang hi an va hmu a, zinglam dar 6 vel bawr niin Puerto Columbia vaukam kilometre 2 vel bawra hla ah alo awm.

Rolando Visbal te ṭhian dun hian tui aṭang lachhuak in lawng ah hian an hlangkai. Gaitan hian hypothermia tuarin tuiah hian darkar 8 aia tam daih inchiah in alo lang tawh.

Chhanchhuah a niha a thusawi hmasa ber chu “ka piang nawn leh a ni. Pathian hian thi turin min la phal bik lo” a ti. A chanchin kimchang hriatchhuah a nih chuan a pasal in kutthlak in alo nghaisa ṭhin a hei vang hian 2018 khan a tlanbo.

Kum 20 lai chu a pasal nen hian inzawmna kha leh hrehawm tak an nei a,nau a pai hmasak ber aṭangin alo sawisa in alo vaw ṭan tawh. Fa pahnihna a pai pawhin a pasal hian a sawisak ṭhin chu ala chhunzawm reng tho a, a fate an la tet em vangin a kalsan thei silo. Hrehawm ti tak chungin a pasal kut hi a tuar ṭhin.

Police te pawh in an ṭanpui ṭha duh lo. A pasal chu an man zet a, mahsela a hnu ah chhuah leh in amah sawisak chu a ṭan leh zel a. A pasal in kut a thlak reng chu tuar thei tawh bik lo in an chenna chu a chhuahsan phah ta hial. Gaitan hian a chhungte ngei aṭang pawh in khawi ah mah puihna a hmulo a ti.

Engkim tawp se tih duh in a nunna chu chan pawh nise pawi a ti tawh lo. Nikhawhrelo a a awm zui vangin chiang takin thil a hre mumal tawh lo. Local media ten a fanu Alejandra Castiblanco an zawn hmuh sak a kum 2 liam ta aṭang khan a nu chanchin hi an hre pawp theih tawh loh thu a sawi.

A nu in a chunga thleng a sawi chu a  rawn kalh ve leh thung a. A pa in kut a thlak ngailo angin a sawi ve leh. Lung (heart) lamah a nu hian harsatna a tawk a heart attack vangin a rilru lam thleng ah nghawng ṭhalo a nei zui phah a ti ve tlat.Castiblanco leh a unaunu te chuan a nu hi thli thlai zui nghal bawk.

IT