Mizo Elite News hi ṭha i tihzawng a nih chuan min lo Follow dawn nia

Kum 1976 A Indian Airlines Chetsualna Thlenga Thi A Ngaih Tawh Chu Kum 45 Hnuah A Chhungte Nen Inhmu Leh

India ram a mi kum 70 a upa ni tawh chu 1976 a thlawhna Indian Airlines chesual ah khan a thi ni a rin a ni. Mahse kum 45 hnu ah nungdam in a chhungte, a nu kum 92 a upa nen chuan an inhmu leh ta a ni.

Hepa Sajad Thangal hi Kerala a Kollam district a cheng thin a ni. Kum 19 a nih in Thangal hian an chenna in a chhuahsan a, film distribution sector in United Arab Emirates ah hna a thawk. South Indian actress Rani Chandra leh midang te nen Event pakhat chhim hian an kal.

12 October 1976 khan Abu Dhabi atang kir leh tur an ni a, Ticket pawh ti fel vek tawh a mahse last minute tak tak ah thulh leh in vanduaina hi a pumpelh phah. Thlawhna chesual ah hian passengers 89 leh crew member 8 ten an nunna an chan a ni.

Thangal chhung ten passengers list an check ah a hming an hmu mai silo a, a chungah engthil nge thleng tih ngaichang reng mahse eng chanchin mah an dawng silova, mitam tak in nunna an chan nual si, hei vang hian chetsualna ah hian nunna a chan ngei niin an pawm nghet ta hmiah.

Thangal hian a thian tha tak tak te chetsualna vanga a chan chu a tuar hle a, a tawrhna chu ti ziaawm turin engkim lak atang inthiarfihlim a nun bul tan that chu a tum zawk ta a. A chhungte pawh a be pawp lo reng. An chenna hmun pan zui lovin Mumbai ah chuan a chambang a, hna tul leh remchang ang a piang a lo thawk.

Mumbai’s Panvel ah hrisel lohna vangin khum betin a awm. A chhungte chuan rei tak hnu ah nungdam a ala awm thu chu an hrechhuak ta a, a unaupa chu Mumbai ah kalin an chenna ah a hruai kir leh. Kum 45 hnu ah Thangal hi a nu kum upa tawh tak Fathima Beevi nen mittui nen an inpawm in an inkuah leh thei ta.