Mizo Elite News hi ṭha i tihzawng a nih chuan min lo Follow dawn nia

Kum 1970 atanga a thih ni thleng kawng sira a hmangaih lo kir hun nghak tu kha

Hmangaihna dik tak chu a va ni chiang em. A hmangaih em em chu phatsan mai lovin kum tam tak chhung a kir hun a nghak a,a thihni thleng pawh in a hmangaih em em hmeichhia hi a nghak fan ani.

He pa chanchin lungchhiatthlak leh khawngaihthlak tak hian Irish rock band, The Script ten a “thinking maybe you’ll come back here to the place that we’d meet and you’ll see me waiting for you on the corner of the street.” tia an lo sak te pawh kha rilru ah mi a hriatchhuah tir uar uar thei hial.

Sipitdikit chuan Pak Arifin/Mr Gombloh chanchin lainatawm tak hi a rawn tarlang. Mr Gombloh hi 2017 khan a boral tawh a. Malang, Indonesia a kawngsir lamah chuan 1970 atang khan a hmangaih lo let hun beisei reng chungin rinawm takin alo nghak ngat ngat tih an sawi.

Nitin maiin  Mr Gombloh hi Kayu Tangan corner ah a chetla vel hmuh a ni thin a, mi thenkhat lo hmu thin tu te chuan 1970s, 1980s leh 1990s chhung zawng te khan in a hmangaih kir hun hi a nghak tih an sawi. A hmangaih nen hian political event thleng ah induh reng chung si in an inthen a ngai a, a nghahna hmun ah hian an pahnih a inhmuh leh intiam in mahse a hmeichhia zawk hi a let leh ta lo a, engvanga inhmu tura thu an tiamna ah hian kal lo nge a nih tih hi tuman an hre lo.

Mr Gombloh hian a chanchin engmah a hre zui lo a, a thi nge ala dam tih pawh hriat a nilo. Mahsela inhmu leh tura an thutiam ang ngeiin rinawm takin alo nghak fan fan. Engtik ni ah emaw alo let leh ngei a beisei tlat a, amaherawh chu a thih thleng pawn a hmangaih hmeichhia hi a let leh tawh lo.

Mr Gombloh hi 2017 khan hliam tuar a hmuh a ni a, Saiful Anwar Hospital ah hruai ni mahse a hliam tuar chhuak zo lovin a boral. Mite chuan Mr Gombloh hmangaihna rinawm zia chu mak an ti zawk hle a, amah kaltlangin hmangaihna dik leh rinawm entir nan an hman zui phah ta zel bawk ani.