Mizo Elite News hi ṭha i tihzawng a nih chuan min lo Follow dawn nia

Kum 18 leka upa hmeichhia Bhad Bhabie in Only Fans hmangin a Millionaire tih a puang

Social Media Platform hi mi tam tak chuan an hmang tangkai thiam bik khawp mai. Kum 18 lek a upa tleirawl Danielle ‘Bhad Bhabie’ Bregoli chuan a sum huiluhna thuruk chu khawvel hma ah a rawn puang.

Danielle Bregoli hi rapper a ni a, Dr. Phil 2016 episode ah khan kum 13 a nih in a lo inlan tawh. Tunah hian Multimillionaire ni tawh angin a inchhal a, mahsela a sum hmuhna tam zawk hi Music Industry atang a ni der lo thung.

Multimillionaire a hlangkai tu chu Only Fans page vang niin a sawi a, branding deals vel ah sum tam tak a hmu thin. Kum 18 a tlin atanga ni 6 ah chiah March 26 khan OnlyFans hi a zawm a, darkar tlemte chhungin $1 Million a thawkchhuak der a ni.

Bregoli hian a nun nuam sa tawh tak a chen vel heuh heuh lai thlalak pawh a Social Media ah a post a, lirthei manto tak tak 3 Bentley, BMW leh Jeep te a lo hung riap tawh. Florida a Boca Raton ah chenna in $4 Million man lei a tum mek tih a sawi bawk.

VanityFair hnen ah chuan Only Fans hi chawlhsan pawh nise rethei lutuk a hun a hman tawh bik loh tur thu a hrilh a, OnlyFans atang pawisa tam tak rut mawlh mawlh in a duh a nih chuan a chawlhsan hmak thei tawh tih a sawi.

Via tips in direct messages ah million dollars a dawng nawlh nawlh a, a post atang $5,000 chuang a hlawh bawk. online endorsements leh Fashion Nova te nen an thawh hona atang maktaduai tel a rut thin a,a sum lak luh zat dik tak erawh a sawichhuak duh lo.

OnlyFans bakah hian Snapchat pawh a hmang tangkai tel hle. 9 million followers neiin a post pakhat zel ah $40,000 vel a hlawh thin a ti. Kum 14 a nihin Atlantic Records hnuai ah a inziak lut a, a single ‘These Heaux,’ tichhuak in Billboard Hot 10 ah pawh a debut ve zuai hman.