Mizo Elite News hi ṭha i tihzawng a nih chuan min lo Follow dawn nia

Kum 18 A Upa Billie Eilish Chuan Grammy Awards 2020 Ah History Siam

Music Industry a chawimawina sang leh tehfung dik bera an sawi ṭhin Grammy Awards 2020 sem zawh tak ah kum 18 mi Billie Eilish chuan History a siam.

Billie Eilish hian Music Industry a chawimawina sang bera sawi Grammy Awards ah hian Award hraw tak tak best new artist, record of the year, album of the year leh song of the year bak ah best pop vocal album te a hum haw.

“bad guy” hitmaker Billie Eilish hi solo performer zinga Album Of The Year dawng thei naupang ber a ni ta a, “When We All Fall Asleep Where Do We Go” hmangin a hui. Record holder chelh lai Taylor Swift a rawn khum. Taylor Swift hian kum 20 a nih in “Fearless.” Album hmangin Album Of The Year hi alo dawng tawh a ni.

Hei chauh nilovin hmeichhia zing ah ṭum khat a Award hraw leh ngaihhlut hlawh zual ber ber record of the year, album of the year, song of the year leh best new artist te dawng thei awmchhun a ni zui nghal. Hetiang chiah hian kum 1981 khan Christopher Cross chuan Record a lo siam tawh.

Billie Eilish hi lawm avangin a mittui a luangchhuak hial a, Album of the year a lak ah chuan dawhsan ah a ni aia Ariana Grande in a phu zawk thu te a sawi nawk. A kum a la naupang bawka a hma hun a eng viau a ni.