Mizo Elite News hi ṭha i tihzawng a nih chuan min lo Follow dawn nia

Kum 18 A Nihin A Naute Nen A Pasal Leh A Chhungkua In An Thlauhthla A Mahse Tunah Chuan SI A Ni Tawh

Thiruvananthapuram: Kerala hmeichhia chu kum 18 a nih in a fa thla 6 mi nen belhtur mumal pawh nei lovin thlauhthlak an ni a, a pasal leh a chhungkua te ngei chuan an pawm duh tawh lo. Mahse tunah zet chuan chhuang leh in ringtawk tak in midang hma ah a inlan thei ta.

Kum 14 liam ta a Anie Siva hringnun hi a harsa in a khirh hle. Kanjiramkulam a KNM Government College ah first year degree student a nia, heta tang hian a bialpa nen an inkawp chho a, a bialpa vang hian a chhungte ngei pawh a hmelma ah an chan phah ta a ni.

A bialpa nena an khawsak dun hnu chuan fa an han nei dun ta cheng a, a bialpa chuan Anie Siva chu a naute nen a kalsan leh daih. Dinhmun pelh sawlh takah a ding a, an chenna in a a naute nen a let leh chuan a chhungte ngei chuan hmelma ang maiah ngaiin an lo pawm duh tawh aw zawng lo.

Hetia awmna tur mumal nei lova an then an then hnu ah Anie leh a fapa te hi a pi chenna in ah chuan an nufa awmna tur an buatsaih ta ringawt a, chutah chuan an nufa te in an khawsa ve naw naw a ni.

Anie hian an nitin mamawh ngaihtuah nan curry powder leh sahbawn te a hralh thin a,insurance agent ah hna thawk bawk in vendors tanpuiin khualzin hnenah lime juice leh ice cream te pawh alo zuar ve ang lawp lawp thin. A fapa nen an damkhawchhuah nan a theihtawp tak meuh in a bei.

Hringnun buai tak karah chuan Sociology chu zir zo theiin a fapa nen chuan an awmna an insawn ve pah zel a, a sam pawh chu atana tha tura a hriat vangin mipa sam angin a siam ta hial. Indian Express te hnenah chuan mipa sam anga a sam a tih tawi hian khawi hmun ah pawh a haircut nen hian mu in a cheng thei dawn niin a sawi.

A tum ram thleng tur in engmah in dal tir a tum lo a,fa a nei chung pawn a zirna kawngah theihtawp a la chhuah tho. 2014 khan Anie hian Thiruvananthapuram ah coaching centre a zawm a, a thian kawhhmuhna vangin hmeichhe SI test ah a bei ve. 2016 ah women police test neihna ah a tel ve a 2016 ah vek woman police ah appoint a ni ta. Chhel leh rim taka a beih tang tang na chuan a tum ram thlen turin June 25, 2021 khan Varkala Police station ah sub-inspector atan appoint a ni ta hial.

Facebook kaltlang in a thawnthu ngei, a tuarna leh a beihna te, a chhungte leh a pasal te ngeiin an thlauhthlak tawh hnu a a rawn dinchhuah leh dan te chu Anie Siva hian midang te fuihna atan a ziaklang thei ve ta.

Kum 10 liam ta khan Varkala ah hian lemonade leh ice cream zuar in ka then kual a, vawiin ni ah chuan kha ka thil zawrhna ah ngei Police sub-inspector in ka awm. Ka hun liam tawh laka ka phuna lak dan hi a tha zawk em le tiin a sawi a ni.