Mizo Elite News hi ṭha i tihzawng a nih chuan min lo Follow dawn nia

Kum 100 Zeta Upa Tawh Thlan Kar Atanga Thil Rawn Lawr A Hmu Thut Chu A Mengphawk Chiang Hle

California a pa pakhat Joel Morrison, 37 chuan thlanmual a fan na a a thil hmuh mak danglam tak Internet a a rawn phochhuah chu a lar zui in ngaihven a hlawh khawp mai.

Joel Morrison hian Sacramento, California a thlanmual pakhat Saint Joseph’s Catholic Cemetery a a kalna ah thlan upa tawh tak kum 100 zet ni tawh lung khi kar atang chuan mihring sam ni ngei a hriat rawn lawrchhuak a hmu.

Morrison ngei pawh in mak a tih em avangin a thil hmuh hi Video in a record a “thlanmual a ka kalna ah chuan he thil mak tak hi ka hmu a, thlan lung inkar khi atang tu emaw sam ni ngei a hriat chu a rawn lawrchhuak” tiin a sawi.

A tirah chuan awih mai harsa a ti hle a, ka hmuh tirh phat kha chuan a mi den dan a dang zar mai. Chik leh uluk zawk a ka han enchian leh hnu ah chuan thlan kara rawn lawr hi mihring sam ngei a ni ka tilo thei lo tiin Jam Press te a hrilh a ni.

Mihring sam chu lo ni teh reng se engtin nge pawn lang tak ah a rawn lan theih tih hi zawhna a awm a, Morrison chuan thlanmual a thlan thenkhat te chu thing zung leh ramsa ten tichhia in an awmna atang hnawlsawn an nih a ring. Sazu leh thehlei lam chi thenkhat te chuan heng sam hmang hian bu chheh nan pawh hman an tum theih a rin thu a sawi.

Morrison hian a thil hmuh hi chian ngei a tum a, coroner office ah sam te hi a sample lak in mihring sam nge thil dang zawk tih finfiah a tum a ni.