Mizo Elite News hi ṭha i tihzawng a nih chuan min lo Follow dawn nia

Kum 1 Chuang Hnu Ah A Bawng Thah Sak Tu Keite Lakah Phuba A La

2016 Malayalam movie ‘Pulimurugan’ ah khan Mohanlal chu sa pêl tu niin Pulimurugan tiin a in ko. Kum naupang te a nihin keite in a pa a thahsak a phuba la turin keite chu a lo pêl a ni.

Kha Movie ang deuh chiah kha a tak tak in Kerala ah a thleng a, pa pakhat chuan a bawng vulh lai thah sak tu keite (leopard) lakah kum 1 leh a chan ve a liam hnu ah phuba a la.

Munnar a Kannimala lower division a cheng Karuvadu Kumar hi Ningani khan Keite puitling a tihhlum vangin Forest Department ten an man. August 8 khan Kannimala Estate a thang ah keite hi thi a hmuh a ni.

Khua a cheng ten Kumar hian keite chu a thah tur thu an hnenah chhia a lo chham tih an hrilh a Kumar hi man a ni ta a ni. Report in a sawidan chuan Kumar hian he ramsa that tur hian kum 1 leh a chan ve chu a lo nghak tawh a, a chhan pawh a bawng alo thah sak vang a ni.

Kumar hian bawng neiin a bawng hi a eizawnna ve ber a ni bawk a, a hnute tui sawr in a hralh ṭhin. Mahsela keite in a eizawnna hi a tihchhiatsak ta vek. Hei vang hian a thinrim em em a phuba a la.

Mahsela a thil tih hi ramsa humhalh pawlte chuan an pawm pui lo. Forest Department lam in an man phah. 2019 khan ram chhungah Keite 491 lai chu pêl leh accident vangin nunna an lo chan tawh a ni.

IT