Mizo Elite News hi ṭha i tihzawng a nih chuan min lo Follow dawn nia

Kristen Stewart leh a nupui hual Dylan Meyer te inkar pawh a tluang chho zel

A hmeltha in acting lam ah sulhnu a nei tha viau bawk. Mahsela a kawppui atan a anpui hmeichhia kher a thlang hi chu tam tak in an la hrethiam pui thei dawn lo chu ani.

Kristen Stewart (kum 31) leh Dylan Meyer (35) te chuan inhualna an neih hnu in an inkar pawh in hmalam a panchho ve hret hret zel a. Hun eng emaw chen chu vantlang hmuh ah an hmel hmuh tur pawh a awm lo.

Amaherawh chu Nilaini khan Anaheim, California a Disneyland ah nuam ti taka hun hmangin, an pahnih bakah an thian dang te pawh an tel a, an zingah ‘Pretty Little Liars’ actress Ashley Benson a tel ve nghe nghe. Ashley chuan an Group thlalak hi a Instagram ah a dahchhuak nghe nghe.

Kristen hian nikum November khan The Howard Stern Show kaltlangin a hmeichhiatpui Dylan Meyer nen an inhual thu a puangzar a. Dylan Meyer hi screenwriter ani bawk. “Kan innei dawn a, hei hi a thleng ngei bawk ang” tiin Kristen hian inchhuang leh inringtawk takin a sawi ani.

Inhual thu a puanzar rual hian mak ti fe fe tu an tam reng bawk a,a chhan chu Kristen hi a ma tawka hmelchhe lem lo leh ‘Twilight’ Movie atang tawh a hmeichhe nungchang zawiawi leh nu hnap thin kha a ni a,tunah zet zawng a nundan a danglam zo ta.

Hmanni mai khan Princess Diana behchhana siam ‘Spencer’ film ah Diana angin a chang a, he Movie hi Pablo Larrain siam niin Kristen pawhin fak a hlawhin a changthiam hle.