Mizo Elite News hi ṭha i tihzawng a nih chuan min lo Follow dawn nia

Kristen Stewart In A Hmeichhiatpui Ngei Inhualna A Neihpui

Mipa tam tak te ngaihzawn rawn ni thin Actress chhelo Kristen Stewart chuan a hmeichhiatpui ngei inhualna neihpuiin innei mai tur in ruahmanna an nei mek tih hriat a ni.

Kum 31 a upa Kristen Stewart in inhualna a neihpui hi Writer leh Actress tho Dylan Meyer a ni a, an pahnih hian kum 2 chuang inzuiin hmangaihna biahthu an lo inhlan tawh.

An inhual thu hriat a nih tanna pawh Kristen Stewart hian tunhnai lawka a Movie chan thar ber ‘Spencer’ Movie promote na a neih tum in SiriusXM’s “Howard Stern Show” ah a sawichhuak a, Kristen tawngkam atang Dylan Meyer zawk hian a Propose hmasa a ni.

“Kan innei dawn a, hei hi kaltlangpui ngei pawh kan tum” tiin Kristen hian a sawi. Page Six te tarlan dan in kum 8 liam ta daih tawh khan a vawikhat nan an inhmu a, mahse 2019 a mutual friend’s party ah intawng leh in heta tang hian an inkawp deuh chawt.

Kristen Stewart hi a hma pawn a hmeichhiatpui model, Stella Maxwell nen an inngaizawng thin a, kum 2 chhung chu ‘on & off’ in an inkawp hman. 2009 atang 2013 thleng kha “Twilight” a chanpui Robert Pattinson nen an inngaizawng a, an inthen hnu ah a hmeichhiatpui kawp a ching chho tan a ni. A anpui a kawp vang hian ui tu fans pawh a ngah hle.