Mizo Elite News hi ṭha i tihzawng a nih chuan min lo Follow dawn nia

Korean Lemchan Thiam Hmeichhia Ah Song Hye Kyo Leh Jun Ji Hyun Te Hlawh Sang Ber

South Korea in Music leh Film lam ah khawvel a awp hneh zia chu sawi kher a ngai lo. Music kaltlang in rimawi ah mellung pawimawh an phun mawlh mawlh a Film Industry ah a then an in zar pharh mek bawk.

Korean Actress zing a sum lalut hnem deuh deuh pahnih tarchhuah ah Song Hye-kyo leh Jun Ji-hyun te chu hlawh sang fal ber an ni mek a, an Drama kal lai mek chuan dinhmun sang ah a vawrh a tih theih.

Korean media outlet Hankook Ilbo tarlan dan atang in Song Hye-kyo leh Jun Ji-hyun hian an drama project atang Episode khat zelah an ram pawisa a 200 million won ($170,000) an hlawhchhuak a ni.

Song Hye-kyo hi tunah SBS leh Viu drama, “Now, We are Breaking Up” ah changin Jun Ji-hyun hi tvN leh iQiyi drama “Jirisan” ah a inlan mek bawk. An ni pahnih hi an in buk tawk khawp mai.

Kum 2018 a “Encounter” drama a chan khan Episode khat ah 100 million won ($85,000) a hlawh a, 2016 drama “Descendants of the Sun” phei chu South Korea mai bakah International thleng in hriat a hlawhin a hlawhtlinpui hle.

Jun Ji-hyun hi 2013 a “My Love from the Star.” drama episode khat atang in 100 million won ($85,000) zel a lalut a, hei bakah “Legend of the Blue Sea.” atang khan hetiang zat bawr tho hi a hlawh a ni.

Korea Actress zingah drama episode khat zela 100 million won hlawh pha hi an tam lem lo a, amaherawh chu Actress leh Actor te hlawh erawh a inthlau hle thung. Korean Actor ah 100 million won hi lalut an tam a, Korean Actor zinga hlawhsang ber Kim Soo-hyun chuan a drama thar ber “One Ordinary Day,” episode khat zel ah 500 million won ($425,000) a lulut daih. Hei hi Song Hye-kyo leh Jun Ji-hyun te Drama per episode zel hlawh belhkhawm ai pawh in a tam zawk.