Mizo Elite News hi ṭha i tihzawng a nih chuan min lo Follow dawn nia

Korean Actress zinga hmelṭha zual thlanchhuah 10 te

Korean entertainment website Kpopmap ten kum tin a an site tlawh leh lenglut tu fans te tana an buatsaih thin Korean Actress leh Actor zinga hmeltha zual thlanchhuah te chu a tarchhuak.

Fans lam in an Actor leh Actress duh ber an thlan aṭang a Vote an hmuh tam dan a zirin Top 10 list te hi siam ṭhin ani bawk.

Kum 2021 chhunga Kpopmap in Korean Actress zinga hmelṭha zual 10 ‘Top 10 Most Beautiful Korean Actresses Of 2021’ a thlanchhuah te chu i han tarlang teh ang.

1. Kim So Hyun – Kpopmap in Actress hmeltha a thlanna ah vote a hmu sang ber a, kum 7 a nihin 2006 atang khan lemchan ah bul a tan a. Moon Embracing the Sun (2012), My Love from the Star (2013), leh The Producers (2015) te a chet that pui hle. Award hrang hrang 24 zet dawng tawhin poll ah hian 31,282 lai vote a hmu.

2. Kim Yoo Jung – 2003 ah acting khawvel ah ke a hnimphum tan a, kum 5 mi lek ala ni. Moon Embracing the Sun (2012), Angry Mom (2015) leh Love in the Moonlight (2016) ah te hriat a hlawh a, Award hrang hrang 18 dawng tawhin poll ah 20,608 vote a hmu.

3. Kim Hye Yoon – 2013 atangin Acting Career a tan. SKY Castle (2018), Helios (2015), leh Hide and Seek (2013) te a hit pui viau a, award hrang hrang 8 a dawng tawh. Poll ah hian 11,178 vote a hmu ani.

4. Kim Go Eun – kum 21 a nihin 2012 ah bul a tan a, Tune in for Love (2019), A Muse (2012), leh Memories of the Sword (2015) te chu a inlanna lar zual an ni. Award hrang hrang 17 dawng tawhin poll ah 7,608 vote a hmu.

5. Won Jin Ah – Won Jin Ah hian 2015 atang khan acting a luhchilh a, Just Between Lovers (2017-2018), Long Live the King (2019),leh Steel Rain (2017) hmangin a hming a chher hle bawk. Poll ah hian 7,015 vote a hmu.

6. Park Eun Bin – 1997 daih tawh atangin bul a tan a, hetih lai hian kum 5 mi lek ala ni nghe nghe. Catching Up With Gangnam Moms (2007), The Iron Empress (2009), leh Hur Jun, The Original Story (2013) te a rawn hit pui hle. Poll ah hian 6,495 vote a hmu.

7. Moon Ga Young – Kum 10 mi ala nih laiin 2006 atang khan hmelhriat a hlawh tan a, drama a channa lar zual deuh te chu The Merchant: Gaekju (2015), Mirror of the Witch (2016), leh Tempted (2018) te kha ani. Poll ah hian 4,321 vote a hmu ani.

8. Park Shin Hye – Park Shin Hye hian kum 2003 atang daih tawh acting a tan a, You’re Beautiful (2009), Heirs (2013), leh Memories of Alhambra (2018) te kha a hit pui rem rem viau. Award hrang hrang 30 zet dawng tawh in poll ah hian 2,203 votes a hmu.

9. Lee Ji Eun (IU) – IU hian 2010 atang in lemchan ah hnu hma a nei tan. Dream High (2011), Moon Lovers: Scarlet Heart Ryeo (2016), leh Hotel Del Luna (2019) hmangin a invawrh viau. Award hrang hrang 9 dawng tawhin poll ah hian 2,117 votes a hmu ani.

10. Bae Suzy – 2011 khan kum 17 atang K-Drama ah bul a rawn tan chho a, Gu Family Book (2013), Uncontrollably Fond (2016) leh While You Were Sleeping (2017) te a hlawhtlinpui hle. Award hrang hrang 35 zet dawng tawh bawkin poll ah 1,269 votes a hmu.