Mizo Elite News hi ṭha i tihzawng a nih chuan min lo Follow dawn nia

Korean Actor hmelṭha zual thlanchhuah 10 te

Khawvel pumah Korea ten thawm an neih len zia chu sawi tam a ngailo. K-Drama leh K-pop music hmangin an lalram an zauh chho zel.

Korean entertainment website lar leh rintlak ber te zinga mi Kpopmap chuan an site tlawh tu K-Drama fans te tan hun remchang buatsaih in Actor zinga hmelṭha zual thlanchhuahna ‘Most Handsome Korean Actors Of 2021’ an nei.

He list hi fans te thlanchhuah a nih vangin a fair tawk thawkhat hle a, khawilai site te emaw in an duh duh an thlanchhuah ang ringawt a nilo.

1. Lee Jong Suk – Kum 16 lek a upa a nih in 2005 aṭang khan lemchan khawvel ah a lut ṭan. K-Drama ṭhahnem tak Secret Garden (2010), W: Two Worlds (2016) leh While You Were Sleeping (2017) ah te changin Awards hrang hrang 25 zet a hui tawh. Poll ah hian 82,347 zet vote a hmu.

2. Kim Min Jae – Kum 19 a nihin 2015 aṭang lemchan ah bul a ṭan. Second 20s (2015), Dr. Romantic (2016) leh The Best Hit (2017) ah te hriat a hlawh. Poll ah hian 53,566 vote a hmu.

3. Yoo Seung Ho – Kum 6 lek ah acting in bul a ṭan a, kum 1999 ah daih alo inlan tawh. My Strange Hero (2006–2019), The Great Queen Seondeok (2009) leh I’m Not a Robot (2017–2018) te hmangin hriat a hlawh hle a. Award hrang hrang 11 hui tawh in Poll ah hian 50,263 vote a hmu.

3. Yoon Shi Yoon – Kum 23 a upa a nihah 2009 khan lemchan a ṭan. King of Baking, Kim Takgu (2010), My Cute Guys (2013) leh Hit the Top (2017) hmangin hriat a hlawh hle. Award hrang hrang 10 hui tawhin Poll ah hian 35,081 vote a hmu.

5. Hwang In Yeop – The Tale of Nokdu (2019), 18 Again (2020), leh True Beauty (2020-2021) hmangin hming a rawn chher a, 2017 aṭangin lemchan ah a zuanglut. Poll ah hian 25,170 vote a hmu.

6. Kim Young Kwang – Kum 19 a upa a nihin 2006 khan acting a ṭan. Good Doctor (2013), Pinocchio (2014) leh On Your Wedding Day (2018) hmangin thawm a nei lian hle. Award hrang hrang 8 dawng tawhin Poll ah hian 21,503 vote a hmu.

7. Lee Min Ho – Korean actor sawilan chuan hmaih theih a nilo. 2003 khan kum 16 a nihin acting career a ṭan a, The Heirs (2013), Legend of the Blue Sea (2016), The King: Eternal Monarch (2020) leh Drama tam tak hmangin hriat a hlawh. Award hrang hrang 41 zet dawng tawhin Poll ah hian 19,007 vote a hmu.

8. Park Hyung Sik – Kum 19 a upa a nihin 2010 khan acting a luhchilh. The Heirs (2013), Strong Girl Bong-soon (2017), leh Suits (2018) te a larpui. Award hrang hrang 11 a dawng tawh a, poll ah hian 16,752 vote a hmu.

9. Cha Eun Woo – 2014 ah kum 17 aṭang bul a ṭan. My ID Is Gangnam Beauty (2018), Rookie Historian Goo Hae-Ryung (2019), leh True Beauty (2020–2021) te a hit pui viau. Award hrang hrang 17 a dawng tawh a, poll ah 16,436 vote a hmu.

10. Im Si Wan – Kum 22 aṭang lemchan khawvel ah a zuanglut. Moon Embracing The Sun (2012), Man from the Equator (2012), leh Misaeng (2014) te a larpui. Award hrang hrang 17 a dawng tawh a, poll ah 14,062 vote a hmu.