Mizo Elite News hi ṭha i tihzawng a nih chuan min lo Follow dawn nia

Kolkata Ah Mizo Cancer Inenkawl Mek Pahnih In Covid19 An Positive

Vawiin khan Kolkata a AMRI Hospital a Mizo Cancer vei enkawl mek te chuan Covid19 an Positive ngei tih chian a nih thu DIPRMizoram chuan a tarlang a, hri vei thar te hi mipa ve ve an ni tih thudawnna chuan a tarlang bawk.

DIPR Mizoram chuan hri vei te hi Sorkar chuan rang taka hma la zuiin a ṭul anga buaipui nghal a ni a ti. An pahnih hian AMRI Hospital a enkawl mek ve ve an ni.

ZMC-a Mizo Covid19 Patient awm mek chu ICU aṭangin Isolation Ward ah sawn chhuah a ni bawk.

Health Minister, Dr R. Lalthangliana “Mumbai Mizoram House a COVID-19 positive hmuhchhuah pariat zinga panga chu negative tawhin damdawiin an chhuahsan a, quarantine facilities ah an awm mek,midang pathum pawh an dinhmun a tha a, an test result pawh hriat theih thuai beisei a ni”

“#Covid_19 Update

Vawiin May 1(Zirtawpni) hian vanduaithlak takin AMRI Hospital, Kolkata a cancer natna nei in enkawl mek Mizo pahnihin #Covid19 an positive tih hmuhchhuah a ni a, mipa ve ve an ni; a pawi ka tiin an dam leh vat theihnan Mizo mipuite tawngtai puina ka ngen takzet.

A tul angin Mizoram sorkarin hma kan la nghal a, West Bengal Health & Family Welfare Dept. a Principal Secretary pawh phone a bia in thil thlen dan ka hrilh a, a tul ang angin min buaipui dawn a ni. West Bengal Chief Minister Mamata Benerjee hnenah pawh thil thlen dan hrilh tuma hmalak nghal a ni e”

Source: DIPRMizoram