Mizo Elite News hi ṭha i tihzawng a nih chuan min lo Follow dawn nia

Kim Kardashian in MET Gala ah sawizui a hlawh nasa hle

Fashion Event lian ber a chhal Met Gala chu New York ah neih a ni a, he hun hmang tur hian milar hrang hrang te an fuankhawm hlawm.

MET Gala chhimtu zing ah ngaihven hlawh ber leh sawi zui hlawh nasa tak chu Reality Star, Kim Kardashian a ni. MET Gala a Kim K thuamhnaw inbelchhuah hian Internet leh Social Media thleng in sawi a la hlawh tluang zel.

Kum in a MET Gala theme atan hian “Celebrating In America: A Lexicon Of Fashion,” tih chu thlan a ni. Kim Kardashian hian Balenciaga outfit dum a rawn inbel a, a sam chu ponytail a rawn pu chhuak in a ke atang a chhip ler thleng chu a taksa engmah hmuh tur a awm lo.

A hmai thleng in a inthuam phui vek. He outfit hi Balenciaga Creative Director Demna Gvasalia kutchhuak niin, a mawina ai chuan a maksak na hian Troll leh Meme tam tak a siam zui phah.

Kim Kardashian kiang ah hian amah ang chiah a inthuam ve mipa pakhat a ding tel a, hei hi a pasal hlui Kanye West a ni in an ring fur. Mahse E! News te tarlan atang Kim K bula ding hi Kanye nilovin he kawr design tu Demna Gvasalia hi niin an sawi a ni.

Met Gala neih hma lawk hian New York ah inkhuh vek in hmuh a ni tawh bawk. Eng pawh nise MET Gala thuamhnaw dangdai tak vang hian Kim Kardashian hi a larna a ti belhchhah ve leh hlak dawn a ni mai.