Mizo Elite News hi ṭha i tihzawng a nih chuan min lo Follow dawn nia

Kim Kardashian in Met Gala ah Marilyn Monroe thuam kum 60 zet a upa a inbel, sawiselna a tawk

Fashion hunpui lian ber Met Gala neih na ah khan mitam tak mit la tu pakhat chu Reality Star, Kim Kardashian thuamhnaw inbelchhuah a ni a, Event ah hian a bialpa Pete Davidson nen an inlan ani.

Kum 41 a upa Kim Kardashian hian kum 60 zet a upa Marilyn Monroe kawrfual a inbel a, he kawr hi kum 1962 khan Monroe hian a boral hma deuh lawk a US President John F. Kennedy piancham lawm na ah “Happy Birthday” sak pui nan alo hachhuak tawh.

He kawrfual hi Marilyn Monroe iconic dress a nih vangin an enkawl uluk hle bawk a, Ripley’s Believe It or Not! ten $5 Million dawn thuak in an lei a, Orlando, Florida ah phochhuah alo ni bawk.

Kum tam tak hak tawh lo a nih vang leh a upat tawh vang in Kim Kardashian in a hak dawn pawh hian a chhiatmai hlauh thil ah an fimkhur viau bawk. Kut lawng in khawih a nilo a, a buaipui tu tura tih ten kutkawr hmang vek a khawih in Kim Kardashian pawh hian a hmun ah chauh a ha chhuak nghe nghe.

Red Carpet a zawhpui hnu ah thlak nghal vat in a ang chiah a siam thuamhnaw dang a inbel leh a ni. Kim Kardashian hian a sawi dan in Marilyn Monroe kawrfual a hak tirh hian a ha tawk lo a, mahse he kawr ngei hi Met Gala ah inlanpui a duh vangin a taksa ti cherin a rihna a tih hniam phah hial ani.

Chawlhkar 3 chhungin 16 pounds (7 Kg) a hloh a, hemi hnu hian a ha thei ta chauh. Ei leh in lamah pawh insum in movie role a inbuatsaihna ang mai a nih thu a sawi nghe nghe.

Hetih lai hian Kim Kardashian in Met Gala a Marilyn Monroe thuam a inbel vang hian Marilyn Monroe ngaisang leh ngaihlu em em tu te chuan an sawisel thung a. He kawrfual hi hnam ro zinga mi a ni a, Kim hi ha chhuak turin a tling tawk lo an ti ani.

2018 a lehkhabu chhuak “The Girl: Marilyn Monroe, the Seven Year Itch, and the Birth of an Unlikely Feminist,” ziaktu Michelle Morgan phei chuan vantlang hmuh a kum 60 zet a upa tawh iconic dress hakchhuah a ni chu pawi a tih thu leh a tih beidawn zia The Post hnen ah a sawi hial. He kawr hi temperature hnuaia vawn that a ni a, hetia hakchhuah a nih vang hian Red carpet environment ah engthil pawh he kawrah hian thleng palh thei ani tih a sawi.