Mizo Elite News hi ṭha i tihzawng a nih chuan min lo Follow dawn nia

Kim Kardashian in a thiannu leh a thawhpui hnenah thilpek man to a pe

Kardashian chi leh kuang te hian an hmangaih te lakah an sum leh pai te an ui ngai reng reng lo a, an thian tha hnai deuh deuh te chu thil pek man to tak tak pe in Surprise thut thut an ching thin hle.

Reality star leh KKW Beauty founder, Kim Kardashian chuan a thiannu leh hnathawhpui ni bawk ex-assistant Stephanie Shepherd hnen ah a piancham pual in a lawmnan thil pek man to tak a pe tih hriat a ni.

Stephanie Shepherd hian kum 32 a tlinna ah hian Kim K hnen atang Hermès Kelly bag a dawng nawlh a, he bag hi Bag pangngai satliah mai a nilo a, mi nazawng khai chhuah theih a ni hek lo. A man te hi $25,000 vel zet a ni.

Stephanie hian Instagram ah a thil pek dawn hi a rawn phochhuak a, Box chhung hawnga a Birthday gift a hmuchiah chu insum zo lovin a mittui a tla thei hial. Kim chuan “Bag ah hian i mittui ti tla miah suh” tiin a fiam zui bawk.

Kim K hian Shepherd hi 2013 khan Kardashian executive assistant turin a chhawr a, an company Kardashian West Brands ah COO dinhmun hial a chelh. Kim bakah a unaunu Kourtney nen pawh an inkawmngeih hle, August thla khan Kim’s Skims line ah Model atan tangin Kourtney’s Poosh website ah Article alo thawh bawk a ni.