Mizo Elite News hi ṭha i tihzawng a nih chuan min lo Follow dawn nia

Kim Kardashian Fans Ruhkawl Ka Ni, A Engkim Mai Hi Ka Copy Ṭhin

Duh zawng leh ngaihsan zawng hi a in ang vek lo. Milar ngaihsan pawh hian ngaihsan dan chin tawk hriat a ṭha. Fans nih vanga an khawsak leh nundan ang zawng zawnga awm tum phet hi a ṭul ber lo bawk.

Portland, Oregon, USA lam chhuak plus-size model pakhat Sammy Krieger, kum 28 hian Reality star, Kim Kardashian chu a ngaisang satliah mai nilovin a atchilh a, a fans ruhkawl a nih thu a puang.

Sammy Krieger hian Kim Kardashian anga a lan theih nan hian a phen ah pawh a thawkrim ve hle a, “Kim K fans ruhkawl ka ni, a thuamhnaw inbelchhuah outfit ang te ka entawn veka, ka bialpa pawh hi Kanye West angin ka ngai hial” tiin a sawi a ni.

Kardashian chhungkua zawng zawng chu a hmangaih tak zet a, Personalities danglam tak an neihna hian amah a hip hle. A bik takin Kim Kardashian chuan a hneh uchhuak bik alo ti.

‘Keeping Up With The Kardashian’ tawp tur tuar ber tu zingah Sammy hi sawi hmaih theih hauh loh a ni. Mi ṭhenkhat ten Kim nen an in an thu leh Kylie version an tih ṭhin te chuan a nun a tihlim ṭhin hle.

Hetih lai mek hian Online lamah Sammy hian tawngkam na leh kha tak takin thau tih ten beihna nasa tak a tawk bawk. Amah hi Model a ni ve hrim hrim a,clothing companies tan Model ah ṭang ṭhin in hetiang aṭang hian pawisa a thawkchhuak bawk.

Kardashian chi leh kuang te hi chuan ṭhalai tam tak thinlung ah bu khuar in huhang an nei lian viau zel chu a ni.