Mizo Elite News hi ṭha i tihzawng a nih chuan min lo Follow dawn nia

Kim Jong Un An K-Pop Chu Cancer Natna Nen A Tehkhin, A Ram Mipui Te A Vau

K-Pop Industry hian khawvel a chiah hneh zia chu sawi kher ngai lovin hriat sa a ni a, an Music te reng reng pawh in thalai te thinlung ah bu a khuar nghet thuk hle a ni.

Ram hrang hrang ah duhtu an pung chho zel si a, an zingah ram inkharkhip leh mi pakhat thuneihna hnuaia kal mek North Korea ram ngei pawh K-Pop hian nasa takin a luhchhuah tawh.

North Korea ram hruaitu pa Kim Jong Un erawh in a ram chhung a South Korea ram kutchhuak te leh a ram mipui te ngainat hlawh chu a duhlo nasa hle. K-Pop chu Cancer natna hlauhawm tak ang maia sualna khura pil luh tir tu ah a puh a, a ram mipui te chu K-Pop Music leh K-Drama te lak atang inthiar fihlim turin vaukhanna a tichhuak tih an sawi.

North Korea ah hian South Korea kutchhuak te hi phurh luh fo a ni a, The New York Times report danin Kim chuan South Korea atang music genre chaw lut a,a ram mipui te rilru suk thlek her danglam sak tu te chu hremna pek a ni ang an ti.

South Korea hian North Korea chu an silhfen,hairstyle, tawngkauchheh leh an nungchang thleng in a tichhia tih a sawi a,state media chuan hei hi an duh lo hul hual a ni.The Times report atang North Korea in December a dan thar a siam ah South Korean entertainment hmangru a piang chu kum 15 chhung labor camp ah dah an ni dawn a ni.