Mizo Elite News hi ṭha i tihzawng a nih chuan min lo Follow dawn nia

Kim Jong Un An Donald Trump Te Nupa Dam Vat Turin Duhsakna A Hlan

Kan hripui chuan mi thiltithei leh ropui tak tak te pawh zuah in a kal kan bik lo. US President, Donald Trump leh a nupui First Lady, Melania Trump te chuan tunlai hripui Covid19 chu an vei ve a, United State hruaitu lu ber hrikai thu hian khawvel a dengchhuak nghal.

Misual leh pawisak neilo anga an sawi zui ṭhin North Korea ram hruaitu lu ber Kim Jong Un pawhin Trump-a te nupa hri kai thu hi a lo hriat in an dam leh vat theih nan duhsakna a lo hlan tih North Korea State Media in a report.

“President leh First Lady te chu an dam ṭhat leh thuai a duhsak a, he hripui hi an hneh ngei pawh a ring tlat a ni” tiin Korean Central News Agency chuan a rawn tarlang.

Trump hian Zirtawpni khan a nupui nen Covid19 an Postitive thu puangin khawvel a ṭhawng hle. Kim hian tun hi duhsakna ṭawngkam leh lainatna a chhakchhuah ve ṭum hial in South Korea’s Yonhap news agency phei chuan a sawi.

2017 chho vel kha chuan Kim leh Trump te hi an in ngur ve chher chher reng ṭhin kha an nia. Mahsela hun leh ni te a han liam zel a, an kar thu pawn hmasawnna a nei ta hret hret zel. Hmanni lawka Kim Jong Un a damloh vak lai pawh khan Trump hian damṭha vat turin Twitter ah duhsakna a lo hlan tawh a, Kim-a hian kha kha hre reng in Trump hi a ngaihtuah lo thei bik lo.

Donald Trump hi Washington a Walter Reed hospital ah admit a ni a, khuh leh khawsik hniam te a nei nia tarlan niin fimkhur thil thu ah damdawiin ah hian a awm.

DM