Mizo Elite News hi ṭha i tihzawng a nih chuan min lo Follow dawn nia

Khum Hnuaia Darkar 6 Zet A Chan Hnuah A Nupui Lo Ngaizawng Tu Mipa A That

Bengaluru a Rohithnagar a cheng kum 31 mi carpenter pakhat Bharath Kumar tia tarlan chuan a nupui lo ngaizawng ve tu mipa chu darkar 6 zet khum hnuaia a chan hnu ah a nunna a laksak.

Nunna chanta hi Shivakumar/Shivaraj (kum 27) a ni. Tarikere, Chikkamagaluru district kiang Hosahalli Tanda ah a cheng. Police te sawidan in dar 9pm atang dar 3am thleng khum hnuaia a tawm hnu ah a nupui lo ngaizawng tu mipa hi a chang chhuak.

Bharath hian Hosahalli Tanda a mi tho Vinutha chu kum 8 liamta khan nupui ah a nei. Nelamangala bula factory ah hna an thawkdun thin a heta tang hian an in chhar a fanu pahnih lai an nei tawh bawk.

Shivaraj hian kum thum liamta khan hna zawnga a kalna ah an chenna in ah a tlawh a, Vinutha te nen khaw khat an nih vangin an inpawh hle. An kiang ah chawlhkar khat lai a awm ve.

Vinutha hian atan hna a buaipui sak a, hemi atang hian an in ah kal ngun chho tial tialin Vinutha chu a hmangaihna ta hial. Vinutha hian a tirah chuan duh lo in a hnar fithla thak a, mahsela Shivaraj hian intihhlum hial a tum tih an sawi.

Bharath chuan a nupui leh Shivaraj te inkar a thleng chu a hrechhuak ta a, a thinrim hle bawk. An nupa inkarah innghirnghona chhuakin a nupui hian a chhuahsan phah ta hial a hmun dangah a cheng.

A pasal lak atanga a inlak hran hnu ah Shivaraj hian a tlawh tam hle a, chawlhkar khat ah vawi 2 vel a tlawh ngei ngei. Shivaraj an a nupui chu a tlawh fo thin tih a hriat chuan Bharath hian Shivaraj chu an chhungkaw ti kehdarh tu tiin a chungah phuba lak a tum ta a, a thahna turin Online ah chemte a chah tih hriat a ni.

A nupui Vinutha hi dar 8;30pm khan ar leiin a chhuak a, a in pawh a kalh tha lem lo. A chhuah hlan hian a pasal hi a in ah lutin a khum hnuai ah a tawm a, Shivaraj lo kal hun chu a chang.

Vinutha hi in ah haw in an ei tur te a buatsaih a,dar 10:30 vel ah Shivaraj chuan a tlawh ta ngei. Zanriah an kil zawh ah mu turin an in puahchah a, mut hma in Vinutha hi washroom ah a insilfai. Hei ve leh Bharath hi a tawmna atang chhuak in a nupui chu pawn atang a kalh hnan hmasa.

An chhungkaw ti darh tu Shivaraj chu a rek a, a pumah a chemte hmang chuan vawi thum lai a vit a, a boral phah. Police te beng a thlen hnu ah Bharath hi an man nghal.

Shivaraj ruang hi thehthang a tum a, mahse a tum dan thlak in a chhungte zinga mi pakhat a hrilh hria. Police ten ruang hi autotopsy an tih hnu ah Shivaraj chhungte kutah an hlan. Investigation hi neih chhunzawl a la ni bawk.