Mizo Elite News hi ṭha i tihzawng a nih chuan min lo Follow dawn nia

Khum beta awm pitar kum 87 a upa chu pawngsual ani

Pitar chak tawh lo leh thlankhur hnaih tawh tak laka hetiang rilru chhia put duh chu a mak zawk hial. India ram khawpui Delhi a Tilak Nagar area ah Pathianni kalta mai khan pitar kum 87 a upa chu pawngsual a ni tih news agency IANS ten an puang.

He pitar hi a hming tarlan a ni lo a, an chenna in chhung ah misual hian a luhchilh. Thla eng emaw zat liam tawh atang khan in khum betin a awm a, a fanu kum 65 upa nen an cheng.

Thil thlen lai hian amah chauh in a awm a, a fanu chhuah hlan in ani. Chhun dar 12:30 bawr vel khan misual hi lutin chhung lamah kawngkhar a kalh a, pitar hian zawhna alo zawh chuan gas agency lam atanga kal angin a insawi bawk ani.

A chetdan a rinhlelh deuh vangin thenawm a awm ten an tanpui theih nan a au a, hetah hian misual hian bei zuiin a pawngsual ta ani. Misual hian a tih tur ang te ti a phone a laksak hnu ah an chenna in hi a chhuahsan.

Police te hnen ah thubuai hi thlenin FIR ziah luh a ni a, a tuartu chhungte hian Police ten an hna thawk tha duh lo ang in an sawi. Police lam chuan vanduaina tawktu chhung ten misual hian a tirah thil a ruk thu chauh an report a, a dang sawi tel a nei lo. A hnu ah pawngsual thubuai hi ziah leh a ni tih an sawi thung.

He thil thleng ah hian pawngsualtu a rinhlelh kum 30 a upa sweeper hnathawk chu man ani a, alak atang phone pawh hmuh kir a nih thu Police te hian an puang ani.