Mizo Elite News hi ṭha i tihzawng a nih chuan min lo Follow dawn nia

Khum Bet A Damlo A Pasal Chu Valentines Day Pualin Hmangaihna Thu A Hlan

He mite nupa hi nupa in hmangaih tak an ni a. Tunah hian an nu Pi Duailovi hi kum 79 ni tawhin an pa Pu Thansanga hi kum 89 a ni tawh a. Kohhran dan thianghlim ngat a innei an ni a, Pathian leh kohhran hmaa an thu tiam “a nuam leh hrehawm ah pawh” tih kha vawiin ni thlengin an la nunpui reng a ni.

Vanduaithlak takin fa an nei thei lova, mahse chu chuan an inkar hmangaihna a ti chhe chuang lo, an fakawm in an entawn tlak takzet a ni.

Tunah hian Salem Veng, Aizawl ah an nupa in an khawsa mek a. An pa hian lung thalo a neih avangin khum betin a dam lova, tichuan an nu in hmangaih takin a zun ek zawng zawng buaipuiin a tan theih tawp a chhuah thin a ni.

Kapi te nupa hian phone an nei lova, be pawp duh kan lo awm chuan Zo Inspiration te hemi number 7085844464 ah kan biak pawh theih e.

“Hmangaihna chu thil dik lovah a lâwm lo va, thutak erawh chu a hlimpui ṭhîn. Engkim a tuar hrâm hrâm a, rinnain a khat a, a beisei tlat a, engkim a tuar chhuak ṭhîn. Hmangaihna hi eng tikah mah a dai lo vang”
I Korinth 13: 6-8