Mizo Elite News hi ṭha i tihzawng a nih chuan min lo Follow dawn nia

Khum Ah Nileng Thak Thak A Hun Hmang In A Pasal Chuan Ran Ang Maiin A Mut Hmunah Ei Tur A Pe Tawp Thin

Mi thatchhe tawh laileng hi zawng thatchhe tak mai an ni a. Ar veng atan pawha laktlak reng reng loh tur hi hmun hrang hrang ah hian an lo awm ve nuk hlawm. He hmeichhe pawh hian engmah thawh peih a nei lo a, a duh leh mamawh ang te chu a pasal in a tihsak mai thin tih hriat a ni.

He hmeichhe chanchin hi Internet lam a a darhchhuah atang ngaihven a hlawh zual hle. Tarlan danin China a khawsa hmeichhia kum 38 hi chhungkaw neinung tak atang a seilian a ni a, a nu leh pa te thlazar hnuai ah ralmuang taka awmin engmah hnathawk lovin faisa a ring thin. A nu leh pa hian kehthei dawma an dawm na lam ah chuan an duat sual phah ta reng bawk.

Pasal te a neih chuan insiam that a hnekin eng hna mah a thawk peih lo chhunzawm zel tho a. Chu mai bakah a pasal ngei chu a thuhnuai ah a dah a ni ber zawk. A nitin hna chu khum a mut nilen leh Games khelh a ni. A pasal hian a ei leh in tur chu a mutna ah hian ranvulh ang maiin a pe thin a, a mamawh zawng zawng chu a buaipui sak vek bawk.

Hmeichhe chhung te hi khawsak nuam tak an ni bawk nen ei leh in lam ah chuan an nghei hran lem lo. Mahsela an hausakna chu a nupui hian a pasal laka in lu lin nan a hmang ta a ni. A khawsak duh dan mak tak leh awihawmloh tak vang hian sawisel a hlawh nasa a, chutih rualin a pasal pawh hi a tirhchhiah ang maia a nupui rawng a bawlsak thin na ah “thaibawi” tia koh a nih phah ta reng.