Mizo Elite News hi ṭha i tihzawng a nih chuan min lo Follow dawn nia

Khuahkhirhna hnuaia Show a neih tuma nawrluih a nih dan tihbaiawm tak chu Britney Spears in a sawichhuak leh

Pop Star, Britney Spears chu hriat theuh angin rei tak a nun khuahkhirh sak a nih hnu ah a zalen a. Britney hian zalenna a hmuh hnu ah a nun hlui te a sawichhuah thar leh thin atangin alo tawrh nasat zia khawvel in a hriat pui bawk.

A pa in a mimal nun a khuahkhirh sak laia a chunga an thil tih rawng leh tihbaiawm zawk hial khawp te chu Britney in a puang leh a, Las Vegas residency a kalpui chhoh lai a Perform na a neih thin lai khan silhfen leh thuam tights, layer 2 lai chhah chu a duh reng vang nilo in zantin a hak a ngaih thu leh ha tura tihluih a nih thin thu a sawi.

Hei bakah thingpui leh coffee te a in phal sak a ni ve lo a, Spa a hmang thei lo bawk. Chu mai a la nilo, mipui hma a Perform a neih na reng reng ah a ke a tihlan a thiang lo a ti.

Las Vegas residency hi 2013 atang 2017 thleng neih a ni a, heng hun chhung zawng hian mipui hma a hlim hmel tak anga Stage ah alo intheh kual vel khan a phen lamah midang hriat pui loh in rilru leh thinlung na tak chungin Britney hi alo awm thin tih he thu a puanchhuah hian a hriat theih awm e.

Mahsela tunah chuan nun thar a nei tawh a, a nunhlui te chu hriatreng tlak pawh a ni tawh lo. Tun hun chu a pawimawh ber thu a sawi tel. Tunah hian Britney hi a pasal hual Sam Asghari nen Maui, Hawaii ah chawlh an hmang dun mek.

Hmanni deuh lawk khan a unaunu Jamie Lynn Spears nen vantlang hriat ah an in hnialbuai a,Jamie Lynn Spears hian a chanchin ziahna lehkha bu a tlangzarh ah a u Britney chu mize tha lo tak nei leh amah tihnat tum angin a rawn puh. Britney chuan a nau lak atanga puhna a dawn ah a pha a,a lehkhabu vawrhlar nan dawta puh in a hman tangkai zawk thu a sawi.

Tin, Britney hi a chhungte dang hrim hrim nen pawh langsar takin an inhua tih hai rual a nilo. A pa Jamie Spears chu a rosum hmanga in la lian leh pa nunrawng tak tiin alo sawi tawh bawk.