Mizo Elite News hi ṭha i tihzawng a nih chuan min lo Follow dawn nia

Khawvela Mit Hmul Sei Ber Nilai Chuan A Record Siam Bawk A khum Leh

China ram a nu pakhat You Jianxia hi khawvel a mihring damlai zingah mit hmul sei ber neitu nihna record a chelh a, tun thleng hian a record siam hi tumah in an la khum thei lo. A record siam sa vek chu amah bawk in a rawn khum leh.

Guinness World Records in 28 June 2016 a an chhinchhiah ah khan You Jianxia mit hmul hi 12.4 cm (4.88 in) a sei in an teh a. Kum 5 a liam leh hnu ah Jianxia mit hmul pawh hi lo thanbelh ve zel a, 20 May 2021 khan a mit hmul sei zawng hi 20.5 cm (8.0 in) a ni tawh. A record siam bawk a luahlan leh a ni.

Kum 2015 atang khan Jianxia hian a mit hmul chu midang te aiin a thangchak a ni tih a hrechhuak. Damdawi lam thiam medical professionals te panin a mit hmul thang chak bik lutuk chhan chu hriat tum in a rawn tawp. Mahse damdawi lam thian pawn a mit hmul than chak chhan ah hian a ngaihna reng an hre bik der lo.

“Midang te ai a ka mit hmul thanchak chhan hriat tumin medical professionals te ka pan a, Doctor pawhin sawifiah ngaihna a hrelo. Kei pawn eng nge a chhan ni tih hi hriat ka duh hle a, inthlahchhawnna thil a ni em tia ka ngaihtuahin kan chhung te zingah keimah anga mit hmul sei sawi tur hi an awm si lo. A chhan hi ka hrilhfiah thiam bik lo a ni” tiin a sawi.

Mite aia danglam bik a nihna chhan hi zawng chiam mahse a hmuh loh vangin Jianxia chuan Buddha in a a thil pek ve liau liau ni ah a ngai nghet ta hmiah a ni.