Mizo Elite News hi ṭha i tihzawng a nih chuan min lo Follow dawn nia

Khawvela mipa leh hmeichhe hmeltha ber ah Myanmar Model leh Blackpink Lisa

Kum tin a khawvel mipa leh hmeichhe hmeltha ber ber 100 thlanchhuahna lo nei thin TC Candler chuan kum in chhung atan list an rawn chhawpchhuak a. Thai singer leh South Korean girl group Blackpink member ni bawk Lisa chu khawvela hmeichhe hmeltha ber ‘world’s most beautiful face’ atan an thlang.

Kum hmasa lama pakhatna hauhtu Israeli model Yael Shelbia chu kum in list chhuak ah erawh parukna ah a chhuk thla ta dawr a, nikum khan Lisa hi pahnihna ah a awm.

Lisa dawtah Norwegian blogger Emilie Nereng, 26 chu No. 2 ah a lang a, Somali-American model Halima Aden, 24 chu pathumna niin Top 3 a khar. No. 4 ah Filipino-Moroccan actress Ivana Alawi, 25 a lang bawk a, Momoland Group zinga mi Korean-American singer Nancy, 21 chu No. 5 ah a awm ani.

Hmeichhe lam list a hming langsar zingah Taiwanese singer Tzuyu, 22 (No.7), Israeli actress Gal Gadot, 36 (No.15) leh Blackpink singer Rose, 24 (No.17) te an lang bawk.

Mipa lamah Myanmar model-actor Paing Takhon chu khawvela mipa hmeltha ber ‘Most Handsome Faces’ atan thlan a ni. Paing Takhon hi an ram buaina chungchang ah pro-democracy protests a support vangin myanmar sipai in an hreng a, Thawhtanni khan a legal team ten kum 3 Jail a tang dawn tih an puang nghe nghe.

Nikuma pakhatna YouTube star Felix Kjellberg erawh kum in ah chuan No.9 ah a tla thla. Pahnihna ah Australian actor Chris Hemsworth, 38, a awm a, BTS singer V, 25 chu No.3 ah a lang bawk.

‘Dune’ star American actor Timothee Chalamet, 26 chu che tha viauin No.4 ah a lang pha. BTS singer Jungkook, 24 chuan Top 5 a khar a. Mipa hmeltha a lang zingah ‘Superman’ changtupa British actor Henry Cavill, 38 (No.6), Aquaman changtupa Jason Momoa (No.10) leh Chinese singer-actor Xiao Zhan, 30 (No.11) te pawh an tel ani.

TC Candler hi film critic website an ni a, ‘most handsome & beautiful face’ annual list hi 1990 atang tawhin an an lo thlang ṭan daih tawh.