Mizo Elite News hi ṭha i tihzawng a nih chuan min lo Follow dawn nia

Khawvela Mihring Bal Bera Sawi Kum 60 Chuang Lai Inbual Tawhlo Chu Researcher Ten A Hriselna Dinhmun A That Hle Thu An Sawi

Amou Jaji hi kum 88 a upa a ni tawh a, khawvel a mihring bal ber a sawi leh hriat ni mek in kum 68 chhung zet chu alo inbual tawh lo ani.

Hetiang khawp a rei a inbual tawh loh vang hian a hriselna dinhmun chu enfiah sak in Medical professionals te chu Dejgah, Iran hmuna a awmna ah hian an kal a, Test hrang hrang an neihsak. Researcher ten an endik hnu a an hmuhchhuah chu Jaji hriselna dinhmun chu a tha mah mah a, natna benvawn leh bacteria ang pawh a taksa ah engmah an hmuh loh thu an sawi.

Amou Jaji hian chaw atan ramsa kawngsira thi sakuh leh sazupui tih ang reng chu a ei mai thin a. Tui thianghlim tak tak ai ah tuihawk tlingkhawm te chu a lo in mai thin bawk ani. Bal leh tawp kara khawsa chunga a taksa in natna engmah a tawk lo hi Researcher te pawhin mak an ti hle nghe nghe.

Midang lak atanga a in lakhran tlat thin vangin thian siam leh bialnu te pawh a nei ve ngailo.Professor Dr Gholamreza Molavi chuan test hi neih sak in, hrisel taka a awm chhan ah immune system chak that vangin a puh ber.

Jaji hian amah tlawhtu te hnen ah chuan hmanlai thil hlui historical events French Revolution leh Russian Revolution te chu alo sawipui ve thin a, hrethiam tu tam tak an awm karah mi thenkhat te atangin a khawsak dan ah nuihzat leh hnehsawh a tawk a. Mahsela local administration ten an theihtawp a chhawmdawl leh tanpuiin local governor chuan mipui te hnen ah Jaji chu a duh dan ang tak a mahni a tlat hran tir tur leh buaina siam sak lo turin an ti ani.