Mizo Elite News hi ṭha i tihzawng a nih chuan min lo Follow dawn nia

Khawvela Hnute Lian Ber Neih Tumin Pawisa Tam Tak A Sen Bakah A Nunna A Chan Tep

Duhamna khawvel ah hian lungawina kim hmuh hi alo har thin a ni. Siamtu in duh tak a min dinchhuah danah pawh kan lungawi zo tawh lo.

Brooklyn, New York a khawsa Sheyla Hershey, 41 hi Plastic Surgery a uar uchhuak hle a, a inthlak danglamna atan hian pawisa tam tak khawhral tawh in duhkhawp chin a nei lo. Khawvela hnute lian ber neitu nihna hauh ngei tumin tan a khawh.

A nih tum a hlen theihna kawnga a sum sen ral tawh zat hi £320,000 lai a ni a, hei bakah hian vawi 4 lai a nunna in tuar phah in a thih phah tep tep a ni.

Thihna ko tlanga a ding chung pawn beidawn mai a tum lo hle a, Operation hi vawi 38 hmachhawn tawh in a vawi 39 na hmachhawn leh tur in a inpeih tawh tih a sawi.

Kum 20 a nih atang Sheyla hian surgery hi a nei tan daih tawh. A sawidan chuan a tleirawl laiin a landan chu mipa taksa a ang tiin midang te atang chhaih nawmnah a tawk thin a, chuta tang chuan amah ah chona siam sak in piannalh leh hnute lian neih chhoh chu alo tum bur a ni awm e.

“Ka pian a nalh lo a, thau leh hnute neilo leh hmelchhia tia min nuihsawh thin na chuan min ti na a ni. Chu min nuihzat na atang chuan ka taksa nalh taka a lanna turin inthlak danglam duhna min siam sak a, tumah in min nuihzat ngawi tawh lohna turin” tiin a sawi