Mizo Elite News hi ṭha i tihzawng a nih chuan min lo Follow dawn nia

Khawvela Grape Manto Ber An Sawi ‘Ruby Roman’

Thei hi hriselna atan a pawimawh a, kan hmuh theih chin ang ah te hi chuan chutiang taka ngaihhlut a hlawh hran lo. Mahsela thei thenkhat ah hian ei ngam loh khawp a manto uchuak tak tak a awm a ni.

Ruby Roman grapes an tih mai hi khawvela grape man to bera sawi a ni. 2019 khan Japan ram ah lilam a nia, a man a turu tek tek hle. He grape ah hian acidity a hniam bakah sugar content a sang thung.

A rawng hi a sen a ni a, a len zawng hi ping pong ball tiat vel lek chauh niin a rih lam hi 20 grams bawr a ni. Hindustan Times in a tarlan dan in 2018 khan market ah phochhuah a nia, 2019 ah a bawr/telkhawm in 1.2 million yen a hralhchhuah a ni.

Hei hi India pawisa chuan Rs 7,55,000 a ni a, Grape pakhat zel hi Rs 35,000 man a ni hem mai. Company pakhat Hyakurakuso te chuan wholesaler kaltlang in an lei nual bawk.

Grape chauh hi thei man to a ni lo. Hmanni lawk pawh khan Madhya Pradesh ah nupa tuak te chuan khawvela theihai man to ber Japanese Miyazaki mangoes chu security 4 leh ui fing 6 te an ventir tih hriat a ni.